Khah Khuachung Kahdohnak Ah SAC Ralkap Hna Cu Tam Lak Te An Thih Than Tiah Theih A Si

Kalay khuapi chung, Taungphilar sang , cozah riantuantu umnak inn ah umhmun khuar mi SAC ralkap hna cu CNDF nih nizaan May 10 zaan Sml8:00 hrawngah kan luhhnawh hna i kan kah hna SAC ralkap 6 an thi .

Sanmyo, Moeyit zung zong CNDF, PDF – Kalay, GRF nih zaan Sml 10:00 hrawng ah suimilam cheuchung hrawng kan kah hna i SAC ralkap 1 a thih pin ah 3 hliam an tuar.

Kalay, Tahan Naykyataih pawng security a la mi SAC ralkap hna zong CNDF, PDF – Kalay, CSS, GRF nih rallam 2 i tthen in kan kah hna i SAC ralkap 2 hliam an tuar, Hliamtuar umlo tein hnu kan tolh kho tiah Chin National Organization(CNO) nih nihin May 11 ah cathanh chuah.

Relchap, thlacam nunngaitu,Mitcaw a si nain mitcawtnak nih Pathian hmuhnak a dawn lo, a mitcawt bu in fiangte in Pathian a hmuh khawh. Minung sinak tuak ahcun Pathian biachalh in biahal ding hmanh khi a si. A nunnak thlalangawngpi ai khar vawlei hi anih ca ah cun muihnak in a khat peng. Chunzan ai dang ti lo, vawlei dawhnak niceu a ca ah a tlang lo ti awk khi a si.Phun dang in kan chim ahcun, vawlei nuamhnak a tep kho ve lo i nun chan ngei lo a si. A ca ah vawlei nun hi nun phurrit a si.

A mit a cawt tik ah vawlei nun hi nun sullam ngei lo a si kan si hnga. Sinain a mitcawt kha Pathian mithmai fiangte in a hmuh khawhnak a si lehlam ca ah zumhtlak tein a thih tiang Pathian rian a ttuan. Vawlei dawhnak, niceu dawh a hmu kho lo, nain a dawtmi Pathian cu fiangte in a hmuh khawh. Cucu vawlei ka nunchan a si ko a ti caah mi tlamtling lo ah an ruah mi pa kha ai lawm bik mi a si.

William W. Walford hi Thlacamnak caan lawmhnak a si,timi hla a phuahtu a si. Mitcaw a si nain a mitcawtnak nih Pathian hmuh a phen lo. A mitcawt bu in Pathian rian a ttuan i min ngei pakhat a si. A mitcawt tik ah mi pakhat nih Baibal relpiak in hnatheihnak in Baibal cacaang vialte tlawttlau lo tein ai cinken kho dih mi pa a si. Mi nih cun a mitcawt ruangah pumtlamtling lo a sinak zoh in nihsawh tampi a tong ko nain, ka ca ah.

Pathian nih zei paoh hi a ttha in a khan ko timi lungput a ngei i hawi ttha bik ah ai tlaihmi Pathian kha a sinak vialte a chimhruah peng. Thlacam hi a tirawl thaw bik a si i cu thlacam nun thawtnam a tehmi nun in a luang mi Pathian thangtthatnak hla Thlacamnak caan lawmhnak a si ti mi a phuahnak hi a si.

Zumtu nun tahnak fung pakhat hi thlacam nun a si. Martin Luther bang nih cun, “Thlacam a hmang lo mi cu Pathian thluachuah zei a rello mi an si caah zumtu taktak ti kawh awk an tlak lo, a ti phah. Thlacam hi phun tampi a va um phum ko hnga, sinain kan thlacamnak hmun ai khat dih, cucu a nung Pathian sin a si.

A tawinak in chim ahcun, Pathian kan chawnh a si. Cucaah Thlacam nun a ngei lo mi, thlacam a hmang lo mi cu Pathian zei rello a si tiah, Luther nih a tinak zong khi, Khrihfa ka si ti ttung i biakmi Pathian a chawn bal lo mi cu Khrihfa a si lomi he an i dannak a um lo a ti duhnak pakhat a si kan ti khawh.

Thlacam cu kan thaw kan i chuahnak, kan thilrit kan i tthumhnak le kan ilawmhnak a si tikah, puicimhak kan ton ah siseh, zawtfah kan ton ah siseh, ngaihchiat kan ton ah siseh, lungretheihnak kan ngeih tikah siseh, herhbaunak in kan um tikah siseh, lunglawmhnak kan in kan khah caan ah siseh, kan i ngatchannak a si mi Pathian sin ah hei phuan le langhter khi a si.

William Walford zong hi ai lawmhnak siseh, a duhherh chambaunak siseh, a lungretheihnak le ngaichiatnak vialte hna hi Pathian sin chanh lawnglawng hi hnangamnak a si ko timi zumhnak he thla a cam zungzalnak hi a si. Cucu thlacam nun ngeih kan timi cu a si. Thlacam nun ngeih cu, zei thil kan ton mi kip ah Pathian chawnh khawh peng khi a si. Kan mit a cawt bu in, puicimh kan ton bu in, zawtfah kan ton bu in, ngaihchiat kan huah bu in, Pathian kan lawmh khawh peng le Amah sin ah kan thaw kan i chuah khawh peng khi a si

Mi tampi cu, harnak chung kan um caan lawngah thlacam a hngal mi kan tampi keimah pumpak zong hi ka si ve. Hihi zumtu nun taktak, thlacam nun a ngei mi taktak nun a si lo. Zei tik caan paoh ah, khoika hmun paoh ah, Pathian he i chawnh khawh peng kha thlacam nun ngeih cu a si. Kannih, zeitluk in dah Pathian he naihniam in kan um, Zeitluk in dah Pathian hi kan pehtlaih i kan chawnhbiak.