Khah Mah Ti Ning Hna Si Taktak Ko Ah Cun,US Um Mi Tlangval Caah Cun, Nupi Lo In Ter A Fawi Te Cang Ti Nak Si Ko Ne Hi Ta.

US ummi tlangval India rak tlun in Laitlang ah nupi a rak ngeimi an um pah. Atu ai tim cuahmahmi zong nan tam rih men lai. Mah hi US cozah sin ah nupi auhnak sawk tikah harnak a um te lai, visa loin.

Myanmar ka lut tiah USCIS US Citizenship and Immigration Service zung ah chim awk a tha lai lo. Upadi he ai kalh caah cozah zung pakhat nih cohlan khawh a si lai lo.

Phung ning tein nupi thit duh ahcun na nupi ding kha Yangon in India visa a sawk ve lai i India ah a ra ve lai. Delhi or Mizoram ah thitumnak tuah khawh a si lai. Asilole Thailand ah nan pahnih nan ra veve lai i thitumnak tuah khawh a si.

A tha bikmi cu April 17 thawk in Myanmar ram chung rak tlawn khawh a si cang lai caah ram chung rak tlun in thitumnak tuah khi auhnak caah a tha bikmi cu a si.Crd: sala lungthli tum.

THAWNG DANGĀ  Russia nih kan hnuzarh ahkhan an ram ah Germany, Poland le Sweden palai a tthawlmi hna lehrulhnak caah, hi ram pathum hna nihhin an ram ah ummi Russia palai ummi pawl cu an tthawl ve hna.

Germany Foreign Ministry nih cathanh chuah in, Russia nih an ram ah European Union ram pawl nih an palai an hnawhchuahmi cu an pom khawhlonak a chim. Hi ruang ahhin lehrulhnak caah Berlin ah Russia Embassy rianttuantu pawl cu an tthawl ve hna tiah nikhat ni ahkhan a chim.

Poland le Sweden zong nih nikhat nikhat ni ahkhan an ram ah Russia Embassy rianttuantu cu an ram chuahtak dingin an theihter hna tiah a chim,Russia nih an ram palai pawl ram thum hna nih an tthawlmi hna cu anmah zuamcawhtu hruaitu thong ah an thlak cuahmah mi Alexei Navalny thlawpnak langhternak caah hrihruaitu ah an itel ruangah a si tiah a chim.

Ramdang palai pawl cawlcangh ning hi pom khawh a si lo tiah a chim. International law nih dan a tat hna ai ruahchannak kong a chim. Nain hihi Germany, Poland le Sweden ram hna nihcun lih a si an ti ve fawn. Germany nihcun an palai hi lamzawhnak ahhin an itel lo, thil can ning report tu dingah a kalmi men an si tiah a tarlangh ve.

Navalny tlaih a si hnu ahhin Russia le EU kar ah boruak a chia ngaingai. Kan hnu zarh ahkhan Moscow court nih Navalny hi kum hnih le cheu thong thlak dingin biachahnak an tuah piak. Hi lio ahhin EU ram hna nihcun Navalny hi chuah dingin Russia cozah cu an nawr peng ve.