Khah Min Aung Hlaing Cu A Ralkap Tam Tuk An Thih Ca Ah Khua A Ruah Nak Ah Sizung Tiang Hi

Tantaung pengah ralhrang pawl cu bomb puahhnawh an tong i ralhang 13 an thi, cun yesagyo ah sac ralkap zulhmi cycle 3 le motor bomb puahhnawh hna caah ralhrang 8 An Thi than rih fawn.

Kayin ramkulh, KNU Brigade 2 hmunram, Tantaung peng, Yetugyi, khua le Yetulay, khua karlak ah SAC ralkap hna cu June 2 chunhnu suimilam 12:30 hrawng ah KNDO battalion 4 le PDF phufonh nih bomb puahhnawh in an doh hna caah SAC ralkap 13 an thi i, 6 hliam an tuar tiah kahdohnak ah aa telmi PDF chungtel pakhat nih a chim.

Bomb puahhnawh a tongmi SAC ralkap hna nih hriamngan le hriamhme hmang in an duhnak hmun poh an kah nain KNDO phufonh lei hliam tuar um lo in hnu an tolh, tiah theih a si.

Cun, Sagaing ramṭhen Myinmu peng, Napegyu Zayat le Ganpia Zayat kar ah Sagaing in a rak chuakmi SAC ralkap kuttang um palik motor pakhat cu tualchung hriamtlai phu 4 fonh nih June 1, chunhnu suimilam 2:30 hrawng ah bomb an puahhnawh hna i, cuka hmun ah cun palik 4 an thi, tiah Moenyo dohthlennak tuahtu phu MNRF nih a thanh.

Moenyo Revolution Force (MNRF) hruainak in Pentagram Ngataungh Kyae, People Revolution Force (PRF), le People’s Guerillas Commando – Myinmu phuli fonh nih palik motor cu bomb in an puah i, cu bomb puahnak ahcun tualchung hriamtlai phu lei hliamh tuar an um lo tiah theih a si.

Thawng dang. Magwe ramṭhen, Yesagyo peng Zikung khua le Kungtalin khua pawng ah SAC ralkap zulhmi cycle 3 le motor cu nihin June 2, zinglei suimilam 11:30 ah Yasagyo PDF nih bomb an puahhnawh hna caah SAC ralkap 8 an thi, tiah theih a si.

SAC ralkap nih khuachung mipi thilri cu hramhram in an chuh hna caah, an firmi thilri a phortu SAC ralkap motor cu bomb puahhnawh in doh an ton hi a si. Bomb puahnak in cycle 3 cu aa hlonh i motor cu lamthlang ah a tla. SAC ralkap lei nih an duhnak hmunpoh an kah ve nain Yesagyo PDF lei hliam tuar um lo in hnu an tolh kho, tiah Yesagyo PDF nih a thanh.

SAC Ralkap Lampi Hngaktu Hna Gate Ah An Hriamthil a Tlau Caah Thingphang In An Kawl: Mandalay-PyinOoLwin lampi meng 16 toolgate SAC ralkap nih lampi an hngahnak sakhan ah, June 2 zinglei ah an hriamthil a tlau caah SAC ralkap hna cu, cuka gate pawng hrawng ah thinphang ngai in hriamthil cu an kawl, tiah theih a si.

SAC ralkap lampi hngahnak sakhan in hriamthil a tlau caah lampi khamnak, chekhlatnak le hlathlainak an tuah, tiah Mandalay khuachung thilcang a thanhtu VOMDY-3 nih facebook page ah a langhter. A tlaumi hriamthil cu zeibantuk hriamthil a si le pa zeizat a si cu langhter a silo nain, hriamthil a tlau ruangah cuka gate in ṭuanvo ngeitu cheukhat cu tlaih an tong, tiah theih a si.

Nu va  kong lam relchih te law. Pasal a ngei cangmi nu hna nih rak theih hrimhrim a herhmi hna cu hihi an si hna.Na pasal nih Khan ei dingmi rawl thaw tete na siam piak dingmi kha zeitik paohah a beisei peng ti a si. A riantuannak in maw a rak lawi i meh rim thawmi te a van theih bak cun na pasal nih an duhnak cu a letin a karh colh ti a si.Cun pakhat le khat dawtein um a duh tuk.Na pasal kha a thaa rak baa tuk ve tawn.

A nupi na sinah thinlung damtein um kha a rak duh tuk.A caan ah cun hngakchia kan zohning hna bantuk tein zohkhenh le rak dawt kha an rak hlam ve tawn ti a si.Cupinah na pasal a he bia nan i el lioah nu deuh ka si ti thei loin bia rak el peng ve, bia elmi rak mak duh bak ve lo khi caan ah Khan na pasal kha kut thlak lo dingin a rak i sum tuk cang ti kha rak theih ding a si.Bia nan i el tikah na thin a hun tuk ve kobu zongin na mak i daitein na rak um tikah na pasal nih a thinlungin a rak in upat i a rak inuang tuk ti a si.

A chungle a nule pa chiatnak cu a sinah zeithilhmanh ah chim i tim hlah.An thinlung a rak fak ti a si.Na dawt tukmi kha harsat nak fak pi pe hlah tinak a si cu.Na nungak lio bantuk tein thianghlim tein um i zuam peng.Thianghlim tein le zoh dawh tein na rak um ah Khan na pasal cu a thinlung chung tein a rak i lawm ti a si.Na pasal cungah maw na lungtlin lonak te a um can ah le na pasal cungah nai ngeihchiatmi a um sualah cun i thup loin a hmai ah na duhmi kha chimh khawh i zuam.

Cu nih cun nan nupa karlakah nuamhnak le lomhnak a chuahpi lai.Cun na pasal cungah maw nai lomhnak aum ah cun ka pasal a si ko ti lotein a sinah lomhnak biachim kha i sum hlah.Na pasal sinah kai lawm tuk timi bia kha tam piin chim lengmang i zuam.Cu nih cun na pasal lung a rak lomhter tuk ve timi kha philh bak hlah.