Khah Mipi Nih Kan Theih Cio Ding Cu,Palik Pawl Tam Tuk An Thih Ca Ah An Dawng Le Nih Bia An Chim Mi

Sagaing Ramthen Salin Gyi Kyar Tek khua Kyartet Palik Sakhaan cu Mipi humvengtu hna nih April 28 ah an kah i Palik 10 an thah hna, Sakhaan chung ummi Inn pawl Mei in an khanghrawh piak hna nain Machine Gun umnak pin belte an kal khawh ti lo caah an pil,soh than tiah theih a si.

Palik 10 an thi tiah kan theih, a zammi Palik zawng an um, A dihlak nawnin Mei in kan khangh hna, a donghnak Machine Gun um nak lei belte cu kan kal kho ti lo i kan pil than, Pakhat hliam a tuar nain thin phan awk a um lem loh” tiah Myaing peng mipi humvengtu hna nih Yangon Khit Thit ah an chim.Mah kahdohnak hi Myaing Township Public Defense Force and Salingyi le Yesagyo allies nih an kahdohmi a si tiah kan theih.

Machine Gun um nak Banka, pin kan kal kho ti lo i kan pil-soh than, Hriamthil an lak khawh le lakkhawh lo ai thei rih lo kan check cuahmah lio tiah Myaing peng Mipi humvengtu tuanvo ngeitu nih a chim. Mah Kyartet Sakhaan Ralhrang Palik hna bawm ding in a rami Ralhrang Motor 4 hna cu Shweyamin khua kam ah Mine voi 4 an puah hnawh hna i Ralhrang Motor pahnih an hrawk tiah Yesagto-PDF sin in kan theih.

THAWNG DANG, SAC Ralkap nih ni 3 chung ah Sagaing ramthen, Minkin peng chung Than Pauh, Yin Ka Lay le Luang Pyih khua 3,inn 270 an khanghpiak hna tiah tualchungmi hna nih an chim.
Tan Pauh khua cu April 25 ni ah SAC ralkap Khah-Mah-Yiah 87 thazaang 150 leng le Phyo Saw Htee hna nih PDF an um ti in hriamngan in an kah hnu ah mei in an khangh.

Tan Pauh khua cu mei an khangh ah hin datsi in an toih i cu hnu ah an khangh.Khuachung ah a tang i a chuak kho lo mi hna cu PDF hna nih an bawmh hna i an chanh khawh hna. Inn 300 hrawng a si mi Tan Pauh khua cu SAC ralkap hna an luh hlan in khuami cheukhat cu an zaam i khuachungah cun PDF le khuami cheukhat an tang.

khuachung ah SAC ralkap nih bomb an hmah i khuami zong an zamnak hmun in an tlung kho lo caah ralzaam hna caah eidin hna cu PDF hna nih an bawmh hna tiah tualchung mi pakhat nih a chim chap.
Cu hmun hrawng cu SAC ralkap Khah-Lah-Yiah 87 thazaang 150 leng an um i SAC ralkap le Myanmar Defense Force – MDF, Sagaing PDF, Minkin PDF, Maharmik PDF phu hna cu April 25 in 27 tiang kahdohnak pehzulh in a um.

Cu thil a cang mi kong cu SAC ralkap lei nih cathanh an chuah mi a um rih lo.Dawei peng, Laung Lone peng Pandalay, khua ah nihin April 28 zing Sml 7 hawng ah pyosawtee an ti mi nu pakhat kah thah a si tiah Dawei Defense Team (DDT) nih an thanh.An thah mi nu cu Daw Tan Tan Tinh  a si, pyosawtee a si tiah theih a si khua chung ah.

SAC ralakp caah ngunkhuai a kholh hna,SAC a thohderh tu a si tiah an cathanh ah an langhter.Daw Tan Tan Tinh a fimtawl tu hi Dawei Defense Team (DDT) an si i hi kong ah khuami hna he pehtlaihnak(an i sai lo) an um lo tiah an chim fawn.