Khah Muidawh Taktak Asi Mi Nungak Nu Cu A Thi Cang Tiah Ho Poh Nih Zumh Asi Na In Atu Ah Cun Hi Kong He Pehtlai In Hrilhfiahnak Ah

Thailand ram mintami (actress) minthang taktak asi mi Tangmo cu an hawikom rual he Holiday an kalnak ah tiva chungah apil i a nunnak liam tiah thawngpang rak theih asi. Cun a ruak zong an char cang i an khangh cang tiah thawngthanh nak zong an tuah.

Tangmo hringhran anu nih afanu Tangmo thihnak kongah report nak zong a rak tuah i phaisa tamngai an pek hnuah Tangmo thihnak kong cu pehzulh in Case kalter lo dingah phihkhar nak a rak tuah cang fawn.

Asinain nizaan le tihni in nihin tuangah Thailand mipi a buaiter ngai mi hna cu Tangmo hi a thi lo, amah pumpak facebook in a rak langthan ti hi asi.

Hi kong he pehtlai in hrilhfiahnak ah Video in an chim mi hi rak zoh ve hmanh! Ahman bak tiah cu ka tik ho lo nain an chim ve mi asi caah tha tein rak ngai ve ko hmanh.

Thawngdang, Dala ah Ralhraang Council riankhinh mi sang khuabawi Dr. Win Aung kahthah a ton hnu in ralhraang nih motorcycle cit an phih.

Yangon ramthen, Dala peng, Kamakasit sangbawi kahthah a ton hnu in Ralhraang Council nih Dala peng chung ah motorcycle cit an phih tiah tualchung mi sin in kan theih.

Dala peng, Kamakasit sang, Bo Ohtamah lam le Thazin lam kam ah, May 26 zanlei suimilaam 1:20 ah Ralhraang Council riankhinh mi Sangbawi Dr. Win Aung cu meithal in kah a tong i a thi. Dr. Win Aung hi ralhraang duh lo langhternak i aa tel mi hna tlaihkhihnak ah a hlei in ralhraang he a tangti mi an si tiah theih a si.

“Ti khur cawh mi a va zohnak ah an kah i a thi. Ralhraang dohdalnak ah aa tel mi pawl tlaihnak ah biapi in aa tel mi a si. Cu ruang ah an kahthahnak a si lai. Nihin May 27 ni thawk in Dala ah motorcycle cit kan phih tiah an thanh. Motorcycle an tlaihmi hna zong an um cang. Kan in kah hna lai i kan in tlaih hna lai an ti” tiah tualchung mi pakhat nih a chim.

Yangon ramthen, Dala peng chung ah motorcycle hi a biapi in zapi nih an hman i ralhraang nih cycle cit an kham ca ah mizapi umkalnak ah harnak an tong ngai tiah kan theih.