Khah Nu Le Pa Hna Nan Fa Le An I Tel Sual Maw Kum 18 Hngak Chia Si Rih Mi Nih A Hawi Le 14 Hna Cu A Thah Dih Hna Cu Lawng Si Lo In

Lai mi tampi an umnak USA Texas Elemantary School ah kum 18 sianghakchia pa pakhat nih sianghakchia minung 14 le an saya pakhat a kah thah hna tiah theih asi.

Nghakchia minung 14 le an saya pakhat a kah thah hna lengah minung 10 hrawng hliamhma an pu i emergency in siizung ah an tlikpi colh hna tiah theih asi.

Nghakchia kap thah tu pa min cu Salvador Ramos a si. A mah hi kum 18 lawng a si i, Uvalde Hight School ah sianginn kai lio mi a si. Hi sianghakchia nih hin sianghakchia pawl a kah hna hlan ah hin grandmother a kap thih hmaisa tiah theih a si.

Salvador Ramos an tihmi pa cu Texas palek nih thi lak ah kah ve tiah theih a si. Hi misual pa kut cungah hin Rifle pakhat le handgun pakhat palek nih an tlaih fawn.

Vawleicung ram nuam le ram ttha kan tihmi US pi hmanh khi hnangam nak tling a rak um hlei lo. Thawngpang chia longte in a khat thiam ko ee. A tangah hin a video ka thil chih rak zoh ve.

Thawng dang, May 24,2022 Cacawn nihnihni (Tuesday) ahkhan Lunglei District, Chawngte (C) ah tualthahnaak/lainawnnaak faak a chuak tiah report social media ah kan hmuh. Hi bantuk in Chawngte khua ah naamte hmang in i thah nawn naak a chuah i Nizaan zaanlei sang suimilam 5:00PM hrawng ahkhan a si i naamte sawh a tong mi Pi (Rajive Chakma) kum 38 mi cu a hliam tuar loin a sawh naak hmun ahhin a nunnaak a liam cawlh tiah theih a si.

Lainawng tu, mi a that tu pa hi a min cu (Sonu Chakma) kum 24 upa mi a si.Hi bantuk in thih naak, ngaihchiatnaak an ton ning cu Chawngte (C)  Branch YMA Secretary nihcun hi tihin social media ah a taarlangh. Lunglei District Chawngte khua hi a inn zat ciah cu kan thei fianglo nain khuapi ngai pakhat a si ve.

Chawngte C khua ah hin 75% hi cu Chakma miphun deuh hi an si hna i tutan i vaanchiatnaak a tong mi chungkhar hna le mi a that tu hna hi Chakma miphun an si ve ve tiah theih a si.Sonu Chakma ku 24  tlangval hi pum tlamtling tuk lo mi le a thluak lei ah harsatnaak,buainaak a ngei mi a si i cu hlaan zongah hin midang zeimawzat zong ku a thlaak bal cang hna.

Cu ti cun hi kan naupa Sonu chakma kum 24 mi cu a thluak a tlamtlin lo hlei ah midang cungah kut thlaak nih hin a lem tuk cang i tutan zongah kan i ruahlo piin hriamnaam i ken in Rajive Chakma kum 38 upa mi a thah hi  a si tiah theih a si. Mi a that tu Sonu chakma kum 24 tlangval hi nizaan May 24,2022 cacawn nihnihni (Tuesday) zaanlei sang ahkhan an innchung ah hin buainaak a siam i a hringtu a nu zong a kut ah naamte in a ah manh.

A mah hi zu ding sa ei zong a si lo i nizaan zongah hin zei rit naak hmanh a tong lo nain a mah hi thluak lei ah tlamtling lo mi a si caah hi bantuk in a tuah mi thil hi a mah nih thah hrim hrim a duh ruang zong ah si loin a thluak ah buainaak a um caah a thah hi a si lai tiah an zumh ning a si.

Cu ti an innchung ah buainaak siam in hriamnaam i ken in a chungle cu kut a thlaak hna i naamte ai ken ruangah hin a chungle nihcun leng ah an zaam taak i a si nain Sonu Chakma nih hin a chungle inn leng ah an chuah hnu ah cun an hnu lei in a dawi ve cawlh hna i Hriamnaam ai ken caah innpa chakthlang le khuami hna zong nih an tlaai ngam loh.

Hi lio ahhin Pi Rajive Chakma kum 38 mi hi zei thei loin Sonu chakma lei panh in a rak raa i Sonu Chakma nih hin a hmuh hmasa mi le a pawngkam ah a um mi poh a ho ho si ti loin naamte hin sawh a timh cuahmah hna lio ah hin Pi Rajive chakma cu sonu pawngkam kiangkap hrawng hrang hi a rak phaan ve.

Zeihmanh thei loin Pi Rajive cu ai relh lo kar ah Sonu Chakma nih cun naamte cun a sawh i a hngawng le a ttangon le a paw ah voithum/hmunthum bak ah a sawh caah A sawh mi Pi Rajive chakma kum 38 cu a hmun ah hliam tuar loin a nunnaak a liam cawlh tiah theih a si. Sonu chakma kum 24 tlangval cu Police nih an rak laak cawlh i thonginn ah an chiah chung tiah theih a si.