Khah Pasaltha Hna Kong Cu Mipi Zong Nih Kan Theih Ve Hrimhrim A Harh Mi Hrimhrim Cu A Si.

Arakan Army AA  sin ah a luancia October 2021 lio i training a kai mi CDF Mindat cu training an kainak video CDF-Mindat nih nihin April 26 ah a langhter. Cu ralkap hna cu minung 15 an si i, training a kai mi second batch an si. Training a kai mi hna cu hriamthil tling he.

CDF Mindat sin ah him tein an phan ṭhan cang, tiah CDF Mindat nih an thanh.SAC ralkap le CDF Mindat kahdohnak a zual chin lengmang lio ah raltuk thiamnak lei an chambau deuh ruangah AA sin ah raltuk an cawng, tiah CDF Mindat nih an thanh.

NUG Ukhruainak Kan Cohlang Lo – KNPP: NUG nih Kaya-Karenni- ramṭhen chung ah ukhruainak bu a ser mi hi National Unity Consultative Council-NUCC nih a suai mi Federal biahren pahnihnak he aa kalh caah kan cohlang lo, tiah Karenni National Progressive Party KNPP nih.

April 26 ah cathanh an chuah. KNPL nih cathanh an chuah mi ah cun KNPP Ministry Of Home Affairs Minister, Khaw Nge Yee  min telh chih a si. KNPP cu NUG he ṭangrual an si i, NUCC zong ah an i tel ve. Federal Biahren a suaitu hriamtlai zong an si, tiah theih a si.

Thawng pang dang relchih, Kal zawtnak a nei mi caah hithil kan tuahpiak a siah cun, chikhat te ah damh khawh sii hi rak tuah ve. Hraichung ah Ungti hang na rawn lai i, mairun kha hmete in na par lai le na thlak chih hnu ah nazi 1:00 chung na ciah hnuah a fe he a hang he na ei lai.

Mah sii hi kal caah sii tha taktak mi a si.Kakal hi tha peng seh ti na duh ah cun cu bantuk cun zarhkhat ah awikhat peng in din i zuam. Na kal a that ti lo zongah na lungre thei hlah seh, atu ka rak chim mi sii hi zarhkhat ah awithum peng in dinpiak law na dam lai.

kal hi cu kum 40 hrawng kan phak hnuah cun rawh nak lam a ol tuk cang caah, kal lei riantuan nak hi cu kum 40 hrawng kan phanh hnu ah cun, kum khat ah 1% peng a riantuan nak a rawk kho ti a si. Cucaah cun kan kum upat rualrual in kal riantuan nak hi a der thluahmah cang ti a si.

Sihmanhsehlaw kanmah nih thatein kan zohkhenh thiam a siah cun normal tein a hlan bantuk tein kan dam ter khawh mi a si.Kal thatnak ding caah hin thil tampi dothlat nak an tuah tikah, Mairun hi a tha cem mi a si tiah an hmuhchuah khawh mi a si.

Mairun hi vawlei cung ah a tha cem mi ungti hang chung ah kan theh tik ah cun, minung kan kal caah vawlei cungah sitha cem mi ah ai chuah ve. A tulio chan ah hin cun, kal lei zawtnak hi tampi a chuak. Kal phin, kal ah lung a um, kal tha a der ti bantuk a phunphun kal rawk nak a chuak cang.

Kal zawtnak hi kan zoh tik ah cun vawlei cung ah hin nu nak in pa cung ah a chuak kho deuh ti a si. Pa pawl an zun a thian lo ah cun kal fah nak ol tein a chuak kho colh.Vawlei cung minung ah hin, upa pi tiang kal a tha mi le a dam mi pawl hna khi eile din ah thaten a rak ei i a rak i ralring mi minung an si.

Kankal hi kan eidin mi vialte a tha lo mi thil hnawmtam vialte kan zun lam ah a kua i a chuah tertu a si. Cucaah cun na eidin mi thil vialte ah ralrin ten na eidin piak peng ah cun na kal caah duhsah ten rian a tuan lai i na kal kha can saupi tiang a dam lai. Eidin ah ralrin nak na neih loah cun na kal kha rianrang pin rian a tuan lai i cansau a khang kho lai loh.

Thingthei a uar mi na si lo ah cun nakal caah thingthei kha tampi in na ei piak lai. Sa a sen mi pawl phun tamtuk ei lo ding a si lai. Na zunpi canhman ten na kal khawh peng nak ding caah na thlan chuak lak in na cawlcangh peng a hau.Zan nazi pa 10 Na ih lai tiang kuat sahdah zukhmawm pawl kha tuah loin nai ralrin a hau.

Na pum nih a herh ning in thadam ten i dinhpiak zong a hau. Zei bantuk tirawl na ei mi vialte kha cip tein na khai piak peng lai. Kuva, kuat pawl kha na hrial deuh hau.Eidin siseh zukhmawm pawl vialte siseh na hrial hna i nai ralrin peng a hau. Hi kankal caah a tha mi sii pawl hi zeitik can ah dah kan din lai tiah cun.

kankal chung in a hnawmtam mi leng i a chuah can kha zohthiam a hau. Cucu zanlei 3:00 tlin hlan deuh te ah khan dinpiak khawh ah a tha. Cun ti zong tampin dinpiak u sih.Cuti na tuah ah cun nakal chung i hnawmtam mi vialte kha na zun ah a chuahchih dih lai.

Cucaah cun zanlei nazi 5 in 7 karlak kha kankal chung i thil hnawmtam pawl a chuah liote a si caah kha can bak ah khan na zun zun khawh nai zuam lai. Cucaah cun hi sii te hin nakal kha rak veng ve carel tu nan zapi cung ah lunglomh nak tampi kan ngei.