Khah Ralrin Taktak Ding Si Na Chungkhat Nih An Thieh Lo suallah Theih Ter I Zuam Colh Hna

Lamcungah atla mi parcel bawm pawl le bomb pawl cu tawnghtham len lo dingin PDF nih fak pi in ralrin nak an pek. Mizapi zulh mi lam ah atla mi box (ciatpha) bawm pawl le thiltom pawl cu chiar in an on le check ti bantuk nan tuah hrim hrim lai loh tiah PDF nih fak pi I n ralrin an pek hna. March 28 zinglei sml. 8 hrawng ah khan Ranggone i Myohdakhon myone i (Highway) lampi ah PDF ralkap hna nih Mission tuah dingin timhtuahnak an ngeih mi thil tom pakhat cu zeithei lo mipi lei pakhat nih a on i athlak than lei ah bomb hmanh cia in aum mi cu Error asi caah apuak. Hi bantuk in thil acan ti nak hnga lo PDF phu 3 hna nih ralrin an pek hna.

Hi bomb apuah nak hmunah hin mipi lei hliam mi le athi mi an um lo tiah theih thawngthanh nak an tuah. NUG lei nih mission pakhat kan tuah canglai kan ti ah cun aphen leiah can, minung le tangka thazaang tampi hman in mipi caah raldoh kan timh mi asi caah, ralrin pek nak kan tuah mi le thawng kan thanh mi hi zulh piak kan zuam hram ko uh tiah PDF lei nih cun an ti. Atu bantuk in nawlnak le ralrin nak ca thanh achuah tu hna hi LITTLE HERO, M.D.P.D.F, North Dagon People Revolution force ralkap phu komh pawl an si. Source: Nation Myanmar

Min Aung Hlaing Nih Russia Sinah Vanlawng Acawk Chap; SAC Ralhrang hna nih Russia ram Sukhoi in an chuahmi SU–30 raltuknak vanlawng paruk cu SAC ralkap nih a cawk. Mah vanlawng pawl cu Nay Pyi Daw raltuknak vanlawng tual ah a phan a vun phurhnak hi IL 76 vanlawng a nganmi in a si March thla 19:24 kar ah a rak phanh hi a si. SU-30 vanlawng pawl cu Squadron 45 tiin a min an pek mi asi.

March 23 ah khan honnak puai an tuah tiah SAC ralkap vanlawng lei in CDM ah a lut vemi Sergeant Pakhat nih RFA sin ah a chim. A tu an vunphurhmi vanlawng pawl hi Kawlram chak le thlang ah a zuang khomi a si, kei ka theihmi vial ah cun a mawngtu kong ah hin a hlan ah kawlram ralkap Russia ah training rak kal a bal a si atiah ati.

vanlawng pawl mawngh ning, a seh rem dan tipawl zong kha rak cawn a si ,tiah CDM a lutmi nih a chim chap. Sergeant chim dan ahcun Russia lei in vanlawng mawng le chawlehnak leikap pawl zong an I tel chih, ralkap thazaang phozarnak puai ah I tel ve ding in Russia Vuanci changtu a simi zong a phan, SAC nih an cawkmi SU -30 SME hi ramleng ah zuar ding in Russia nih man tlawmte in a man a hauhmi asi i dollar in tan 30- 3000000 a si.

Vanlawng cawk khohnak dingah hin Min Aung Hlaing nih a kuttang pawl sinah tangka khawmsuat ding in 2019 zaanriah dum ti lio ah a rak chim bal cang hna. Min Aung Hlaing a rak chimh dan hna ah cun, nangmah sin in Dollar tan cuzei nan ka pek lai tiah arak ti hna, dollar tan 200 leng ngah le vanlawngcawk hi a rak i zuammi si.

a tu i vanlawng paruk a cawk ruang ah U pan tangka a hmuh tilonak he zong a pehtlaih. A tu an cawkmi van lawng hi ralkap thazang langter puai ah Russia vanlawng mawng hna nih an mawngh piak hna tiah Sergeant nih a chim chap. SAC vanlawng mawng pawl nih mawng ding an thiamnak nih a tlinh rih lo, Ralkap puai ah hin an mah nih an mawngh ah an thi hrim lai.

SAC vanlawng mawng pawl nih an mawnh kho rih lai lo, cawnnak can zong an ngei fawn lo, vanlawng zoh tak tak tiang in a mawngthiam pilot an si lo, cung i vun kai pi men men deuh lawng an thiam rih, zohdawh in mawngh timi cu mawngh sawh sawh he a khat lo,tiah a chim chap.