Khah Ralrin Taktak Kan Hau Lucia Gomez A Um Dan Zong In Kan Mah Lai Nu Zong Um Kho Mi Kan Si Ca Ah

Nu pakhat Unuguay ah khua a sami influencer Lucia Gomez nih cun UFC fighter milar minthang Conor Mcgregor cu a uar tuk lawmlam i a angki chunglei a bra hruknak a hnuk hram bak ah a min in tatto ai suai tiah theih a si.Hi a hnuk i tatto ai suaimi cu a uartuk mi Conor zong nih a hmuh piak ve i ai dawh tuk a ti piak nak kong zong a chim .

Inluencer Lucia Gomez nih hin McGregor min in a hnuk ah tatto ai suai lawng silo in T-Shirt var ah McGregor hmanthlak cuan nak zong ai hruk chih fawn.Fighter lar a simi Conor hmanthlak a cuangmi angki ai hrukmi cu Lucia Gomez nih cun a Instagram followers 44 million bak an umnak astory ah a tar fawn.

Hitluk milar a si vemi Lucia Gomez nih Conor hmanthlak cuangmi T-shirt i hruk in a instagram ah a tar mi le a hnuk kam te ah a min in tattoo ai suaimi cu ai lunghmuih tuk ve nak konga chim ve fawn.Mipi nih uar tuk vemi milar pakhat nih i nautat lo te bak in amah a uarmi pa hmanthlak langhter in ai tar mi lea hnuk pawngte ah a min in tattoo ai suaimi cu a thinlung a thianghlim ngai ngai tiah an thangthat cio.

Relchap,People Defennse Force le tlangcung hriamtlai hriamtlai phu hna nih khuate tampi cu an tlaih khawh cang i a ruah hlan ah himnak hmunhma pawl kan ser khawh cang lai tiah NUG caan karlak President Duwa Lashi La nih a chim.

Caan karlak President nih April 16 zinglei ah biachimmnak a ngeih i cu chungah cun, NUG cozah nih himnak hmumhma pawl ah uknak le biaceihnak hna kan dirh chih lai tiah a chim. A hlan ah kan rak thanh cang bantuk in Democracy phung a si lomi 2008 phunghram ah kir than a si ti lai lo i Democracy charter ning tein kan kal lai tiah a chim.

SAC cu ramdang nih theihpinak le hnatlaknak a tlawm chin lengmang i NUG cu phungning tein cohlannak a karh chin lengmang tiah a chim. Cun, kan pawngkam ram hna nih, Myanmar ram mipi hna duhnak kha upat le thapek in ramri hna ah buainak tampi a chuahter tu SAC cu hnatlakpi loding ah caan karlak President nih a forhfial hna.

Cun, Russia nih Ukriane a tukmi cu ka tangthlak i Ukraine cozah hnatlakpinak a ngeimi UN General Coference biakhiahnak cu ka dirkamh. Hramhram uknak hrawh khawhnak ding caaah bawmhnak kan pe rih ko uh tiah a nawlnak zong a chim chih.

President zung biachimnak nawl a ngeitu pakhat NUG nih rian a khinh. President zung biachimnak nawl a ngeitu siding ah U Kyaw Ze cu riankhinh a si cang tiah NUG President zung nih April 16 ah a thanh.

NUG President zung nih mipi, ramdang hna he tha deuh in pehtlaihnak a ngeih khawh nak le caankhel tein thawngpang a thanh khawhnak hnga caah tiin U kyaw Ze hi rian khinh a si tiah NUG caan karlak President Duwa Lashi La nih a thanh.

NUG cozah dirh kumkhat a tlin hnu ah a tu bantuk in President zung biachimnak nawl a ngeitu riankhinh a si hi a si.NUG cozah nih mipi he tha deuh in pehtlaihnak a um khawhnak hnga caah le bawmhchannak fek deuh in rian a tuan khawhnak hnga caah tiin Media phu dirhding in kan i timhtuah cuahmah lio a si tiah NUG Minister U Htin Lin Aung nih American um Myanmar rammi hna tonnak puai ah a rak chim.

Myanmar ram pumpi in khanghpiak a tongmi inn 9,187 a phan. Kawl ralkap nih hramhram in uknak a lak hnu ah Kawlram pumpi in khanghpiak a tongmi inn 9,187 a phan cang tiah Data for Myanmar ni April 14 ah a thanh. A tu cazin hi SAC ni hraamhram in uknak a lakhnu 2021 February 1 in 2022 April 13 tiang khawmhsuat khawhmi a si tiah theih a si.

Cu chungah, Sagaing ramthen hi inn 5,617 in a tambik khanghpiak a tongmi an si. Magway ramthen ah inn 1,814 le Chinram ah 1,132 in pahnihnak le pathumnak ah an dir. Khanghpiak a sinak hi rampumpi hmunhma 254 ah a cang tiah Data For Myanmar cazin in theih a si.

SAC in biachimnak nawl a ngeitu Major-General Zaw Min Htun nih cun inn a khangmi hi SAC ralkap si loin PDF pawl an si tiah a rak chim. Data For Myanmar cazinning ahcun, March 31 tiang inn 7,973 khanghpiak a si i April 13 cun inn 9,187 tiang a phanh caah zarhnih chungah inn 1,214 khiangpiak a si tiah a langhter.

HTPHC nih innkhangh a tongmi Tinam khuami hna le Ralzaam khua 14 bawmhnak an pek hna. Hakha Township Public Healthcare & IDPs Management Committee nih Tinam khua ah SAC ralkap nih an inn an khanghpiakmi hna le Ralzaam khua 14 hna sin ah bawmhnak tete an pek hna tiah theih a si.

Eidin le a dangdang an bawmh khawhmi hna hi Facang tun 207, chiti cuai 214, cite thuk 1449, pe cuai 321, nga dur 214, Calcium thuk 1o7 le innkangmi hna caah phaisa tlawmpal te an si tiah theih a si. Hakha Township Public Healthcare, IDPs Management Committee cu 2021 June 21 ah HCMF le HBA thluachuah peknak in Covid-19 zohkhenhnak, mipi ngamdamnak le Hakha pengchung ralzaam pawl zohfelnak caah rak dirh a si. Credit:The Chinland Post.

 

 

Thawng tha taktak si ko hih,April 20, zing suimilam 10:28 ah Matupi hrambunh SAC ralkap Khah-Mah-Yah 304 le CDF- Matupi cu Mindat-Matupi lam, Laymyo, tiva ah ah an i kap i cu kahdohnak ah cun SAC ralkap, Captain telh in ralkap 8 an thi i, 6 nak tlawm lo nih hliamhma an pu. CDF-Matupi lei in hliam tuar an um lo.

Matupi pengkomh SAC Battalion hna nih Mindat-Matupi lampi um CDF-Matupi Battalion ah ralkap thazaang tamtuk an chap caah kahdohnak a zual kho. Cucaah faak piin thlacam kan bawm ko u, tiah CDF-Matupi nih cathanh an chuah.