Khah Relcio Uh Khah Ni Par Hlawnceu Cu Holh Lo In A Sumkho Ti Bak Loh Hih

An duh taktak lo ti naa theih ko buin duhdawt naa zuam peng i caan a rauh tikah an kaltak te ding naa theih ko buin na hlaat ve bal fawn lo i. Thinlung fahnak he na ṭah te ding naa theih ko buin lawmhnak ah cang hram seh ti ruahchannak he na nuamhpi peng fawn i.

Na hrang ah cun a sang tuk ti na theih ko buin na phutawk ah na ruah peng fawn i. A loral cangmi ruahchannak a si ti na theih tuk ko buin naa ruahchan peng fawn i. Na ta a si lo ding ti na theih tuk ko buin na ta a si te ding khi na hngak peng fawn i.

Midang ta a si lai ti na theih tuk ko buin na nahchuah peng fawn i. Na caah zumhtlak a si lo kha na theih tuk ko buin a hrangah zumhtlak tein um naa zuam peng fawn i. An ngai in an hlam lo kha na theih tuk ko buin na ngai tuk tawn fawn i. A cakuat, comment tibantuk na don lo ding naa theih tuk ko buin Messenger, Viber, Whatsapp tibantuk ah a cakuat naa ruahchan peng fawn i.

Amah ruangah lungkuai in na um lai i ngaihchia in mitthli he na ṭah te ding zong naa theih ko buin amah duhnak a si ahcun a duhnak zul in mithmaipanh tein a pawng ah na um peng fawn i. Na duh tuk ruang le a ta si ding in naa ruahchannak ruang ah na palh lonak hmanh ah ngaihthiam na hal peng fawn i.

A fel in a ṭha te ṭheo lai ti ruahchannak he a thil tisualmi voi tampi na ngaihthiam tawn. Nain cu voi tampi na ngaihthiamnak nih cun a hnu ah naa ruahchan bang thil a canter lo caah fahnak tu na tuar peng fawn i. Kan duh lo, kan daw lo, kaa lawmhnak na si lo an ti te ding naa theih tuk ko buin na duh, na dawt peng fawn ko i.

Duhnak ah a vanchiami hna nih hin duhdawtnak a sullam le a thlum-alning le a rianṭuanning hi an theih khawh bik.
Duhnak kan timi cu a caan ah a thlum i a caan ah a kha ṭheo. A caan ah lawmhnak ni tlang in lawmhnak mitthli a luang ṭheo i a caan ah lungkuainak chum an zaam i ngaihchiatnak mitthli a tla tawn. A donghnak ah; duhnak kan timi cu tuarnak he aa hlaat bal lo. Nain tuarnak pinlei ah lawmhnak mitthli a luang kho ko.

Zahan Justin Thang he kan biaruahnak ah a chimmi chungin pakhat cu ka ruat ngaimi a si. Mah miphun bawmh a herh lioah midang miphun sin kut va samh cu a dik ah ka ruat lo. Mi harsatnak kan philh lai tinak a si lo nain tuah hmasa ding le ruah hmasa ding cu kan hmai i a ummi kan miphun harnak a si, a ti. Cucu tulio kan dothlennak ahhin kan ruat ve ngaingai a hau cang ka ti.

Mah khuami zohkhen le bawmh an herh tuk lioah midang khua va bawmh hmasa, mah pengtlang bawmh an herh lioah pengtlang dang va bawmh hmasa, mah miphun bawmh an herh lio midang miphun va bawmh hmasa hna hi cu tulio kan sining he ai ralkah dingmi a si tiah ka ruah.

Thapek le bawmh a herh tukmi ka pengtlang CDF le ka miphun ralkap lonh takin ka kal lo ding hi a biapi tuk. A hram ah maw ti toih a herh deuh a ttengnge ah titu tuak deuh ding ka si.

Pengtlang nih herh tuk mi na si ko bu ah midang caah na vai pe hmasa ding khi ka chim duhnak a si. Biana ah T T lak ding a um tiah CDF Thantlang nih suimilam 24 chung an tthut hnawh ko lioah nu le pa nih midang bawmh cu suallam a ngei in ka ruat lo. Credit: Ni Par Hlawnceu