Khah Thawngtha Ngai Sih Hih Palik Pa Hi Cu Ralhrang Dohve Dingin Meithel He CDM An Tuah Cu Lawng Si Lo In

Magwe ramthen, Htilin Myomah Palek Sakhaan in palek pakhat cu meithal zun 2, meithal kuan 200 leng le 40MM bomb thei 1 he CDM a tuah caah sing 110 laksawng kan pek tiah Htilin PDF nih nizan May 21 ah thawng an thanh. Magwe ramthen, Gangaw pengkomh, Htilin Myomah Palek Sakhaan in palek pakhat cu mizapi nih lungtlinpi lo mi ralhraang uknak cu a duh ve lo caah G3 meithal zun 1, kuan bawm 2, G3 kuan 194, 40MM bomb thei 1, MK22 meithal zun 1, kuan bawm 1 le kuan 20 he PDF Htilin sin ah CDM a tuah tiah kan theih.

Hi palek pa hi council ralhraang nih uknak an lak ka 2021 March 7 thawk in CDM a rak tuah mi a si nain tlaih a ton than ca ah Non-CDM in Gangaw khua Gate pawl ah pehtlai in rian a tuan than. Asinain ralhraang uknak duh lo in PDF ah kal a duh mi a si ca ah May 10 ah CDM a tuah than i PDF Htilin (Yaw Region) nih laksawng sing 110 an pek tiah kan theih.

CDM palek pa nih cun “NUG nih aa hmaithlak ning tein ka zulh lai. PDF Htilin ah um in rian an ka khinhnak hmun poh ah rian ka tuan ve lai” ti in a chim tiah kan theih. Credit: The Hakha Post

Thawngdang, Thawngpang tthatuk si. Tuzing ah ralhrang kawlralkap minung 150 hna cu mipi ralkap nih bomb in an puah hnawh hna i ralhrang 30 an thi. Sagaing ramthen Katha peng ah ralhrang kawlralkap minung 150 hna cu mipi ralkap hna nih tuzing ah bomb in an thuat hna i minung 30 an thi tiah mipi ralkap nih an thanh.

May ni 22 zingka suimilam panga le minute hleinga ah thaazaang 150 hrawng asimi ralhrang kawlralkap hna cu Paykung in Katpaleih khua ah ke in an ra hna. Ralhrang hi minung 150 hrawng an si. Katpaleih in Katha khuapi ah an kal lio ah ABSDF le PAHKAPHAH fonh nih voihnih bomb in an thuat hna.

Ralhrang hna cu minung 30 hrawnghrang an thi tiah an langhter. Cun lam a zawhtu ralhrang kawlralkap hna cu pehzulh in lam zong an kal ti lo tiah theih a si. Hi konghe pehtlaiin nizan zongah Kawlin khuapi Administration Office ah a ummi ralhrang hna cu kah an si Kahdohnak ah ralhrang pahnih zong an thi tiah theih asi.