Khuachia nganpi Le khuachia fate tulio alar cem mipawl hna cu

KHUACHIA NGANPI LE KHUACHIA FATE

Nizan le Nihin cu khuachia fate pakhat a au len ko! Chinmi raal an sunghnak ding kong kha Chinmi sinah a phuan hnawh hna!

Khuachia nganpi cu, PATHIAN thimmi hna hrawh dingin a rat lioah, Khuachia fate nih, David chungkhar cu a au hnawh hna i, ” Maw David, nan thazaang aa hmet-puam tuk caah, rak doh len hlah u, nan mino pawl lam an thi lai i, nan Mipi lam an faak lai,” tiin tluang a khawn hnawh hna i chiat zong a serh hna!

PATHIAN nih chiat a serh lomi cu chiatserh khawh a si lo ( 23:8). Sawl chungkhar Shimei chiatserhnak cu David nih dai tein a in ko; a mi hna cu a thlauh hna! “PATHIAN nih țhatnakin a ka rulh te lai,” a ti ( 2Sam 16:6-13).

Khuachia nganpi nih PATHIAN thimmi cu a doh hna caah, PATHIANN thimmi Miphun chungin David le a mi hna nih Khuachia nganpi cu an rak doh ve. Cucu khuachia fa te nih David le a mi hna cu, “nan thazang a hmetngan tuk,” tiin bia a rak phuan hnawh len ve hna!

Khuachia nganpi cu JESUH KHRIH MIN in doh u. Khuachia fatete zong JESUH KHRIH MIN in țeem lengmang hna u.

Chinmi sinah BAWIPA a țan lo ahcun khuachia fate biaphuan a tling te lai. Sihmanhselaw BAWIPA kha Chinmi sinah a um i David kha a thimmi a si tak ahcun, khuachia nganpi a sungh le khuachia fate lih biaphuan cu a hung lang te lai.

Khuachia nihcun minung kha a hman tawn hna. Khuachia cu a sung tawn. Khuachia cu a sungh tikah a rak hmanmi minung hna zong an rawk ral ve tawn.

Tutan i dohnak ahhin, BAWIPA THLARAU Țhawnnak thawngin zeitindah Chin Miphun le David nih khuachia nganpi cu an tei le a sungh cu kan hmuh lai.

KHRIH Lamkaltu
Tluang Lian ( Martar)
Crd. Tluang Lian

Be the first to comment

Leave a Reply

Your email address will not be published.


*