Khuachung ah Ralhrang Hren Mi Hna Cu Khuami Pawl Ralsatarh Ah An Hman Hna Caah An Chuak ter hna

No description available.

Magway ramthen Htilin myone Kyiwabin khua ah ralhrang hna cu YDF nih lengchuak kho lo in an hren hna. Asi nain ralhrang hna nih cun khuami pawl cu minung 20 hrawng cu an tlaih hna i ralsatarh ah an hman hna caah Yaw lei mipi kilveng tu YDF hna nih lam an hnawn piak hna tiah an mah phu sin in theih asi.

Ralhrang minung 90 hrawng cu Akyiwabin khuachung april ni 25 lio ah khan alut i mipi kilveng tu ralkap hna nih khualeng chuak kho lo dingin anĀ  kham hna. Cu hnu ah cun hriam ngan he hriam hme he minutes 45 chung hrawng an i kap i ralhrang hna cheukhat an thi cheukhat hliam an tuar i minung pakhat cu kuanzen le hriam tling he YDF nih an tlaih. Cu hnu ah cun atang mi hna cu khuachung ah anzam than i an hren hna hi asi.Ralhrang hna khuachung an va phanh hnu in khuachung saya hna telh in hngakchia le kum upa minung 20 hrawng cu ralsatarh ah an hman hna lam hi kan on piak uh, nan kan on piak lo asi ah cun atu kan tliah mi minung hna hi kan thah hna lai i mei in kan khangh hna lai tiah an kan ti tiah YDF Htilin sin in theih asi.

Ralhrang le mipi vengtu karlak ah can sau nawn an i ceih hnu ah ahnu bik ah ralhrang hna khualeng an chuah tiang, kah ti lo in lam an on piak hna. Cun lam an on piak hnu in ralhrang hna nih an tlaih mi hna Kyiwabin in ralsatarh ah an hman mi hna minung 20 cu an rak thlah hna tiah Htilin YDF nih cun an chim.Atu hnu in khuachung ah ralhrang an rak luh i kah doh nak achuah asi ah cun, khuachung mi hna mipi vialte hna nih hruaitu hna le ralzam hna abawm tu hna sin ah bawmh nak nan hal lai i an mah lam hruai hmuhsak nak ah lam hla deuh ah zam aherh cang lai tiah YDF Htilin sin ralrin an pek hna. Source: The Irrawaddy Burmese Edition

Ngaih Chai Tuk Si Mu Ral An Zamnak Ah Hlei Nih A Cahpi Hna: Kalay pengkulh, Donwe khua lei ah SAC ralkap nih thazang tampi in rallam an sial caah tualchung mi hna cu Myitthar tiva ral ah an zam i Myitthar tiva hlei nih a chimhpi hna caah minung 6 an nunnak liam. Nihin, April 27 zing slm 8:00 hrawng ah Donwe khua ah SAC ralkap thazang 80 hrawng cu rallam sial in an rak phanh caah tualchung mi hna cu tiva ral ah ral an zaam i mimung 10 hrawng nih hlei an zawh lio ah hlei nih a cahpi hna hi asi. Ti chung ah hlei nih a cimhpi hna cu tualchung hriamtlai ralkap le mipi nih an kawl cuahmah lio hna asi minung 6 ruak an hmuh cang.