Khuakip Nih CNF&CDF Caah Thawhbur Thawh Ciomi Lung A Hmuituk Ko Nain

Cu rualrual in khuakip nih CNA ah Ralkap zeizat dah kan ngeih hna ti zong hi izuamcawh le ilunghmuih awk asi, A herh ve. Aruang cu miphun le ram caah thiltha tuah (Phaisa thazang le minung thazang chuah) kha izuamcawh le iuanthlar dingmi asi.

Inn zakhat cung khua paoh nih CNA Ralkap a tlawmbik minung 10 tal nei usih law inn zakhat tang nih 5 nak tlawmlo nei dih usih. Cheukhat khua cu milu tam ngai nain CNA Ralkap neilo hna um asi le zohchia ngaite. Cucaah hihi khuacio nih ceihkhan ding asi. Baanrawt thil asilo nain iforhfial ding. Cutin CNA a lutmi le a chungkhar kha khua cio nih sikhawhtawk bawmhchanh ding.

Ukrain ram hna cu an pastor tiangin meithal he ralram ai thawh. Kannih miphun zong a fakbik ral kan thawh lio asi. Chin National Emergency caan asi. Cucaah apasak in Chin Ralkap si can asi. CNF policy zong an remh ko cang. Kumthum te cu ihne cio hna usih….abik in Lai pasaltha ai timi Tlangval mino hna.

(Khuakhat ah CNA Ralkap minung 5 nak tam a ngeimi khua pawl upatnak ah min van tial cio hna usih ca… Minung 10 nak tam a ngeimi khua cu Gold Member (Sui Chungtel) nan si i miphun teinak khuangcawi tikah hmaisuang donghlei ah thutter dingmi khua nan si lai. Credit: Salai Ceu Bik Thawng