Khual Kantlawn Lam kanleh Ah Ralrin cio kan hau

Nu le pa, u le nau hna minung lungthin hmanh a keng lo mi rallokap i an cawlcangh dan hi a chiat tuk caah ralrin tein holhrel, umkal ṭhutdir hi a bia pi ngai. Zeitil kan tuah paoh ah mah i humhimnak le kilvennak hi hmaisuang ah chia u sih. Kan tlawnlennak kip ah mitfim le hnatun butein ram le miphun caah ṭuan cio u sih.

Uico nih a cawmtu a seh bantukin rallokap nih tlaih i dup paoh in hrocer, hrem ding caah cun kan pam tuk suaimai. Cucaah rallokap i tlaihter lo hi biapi bik chia in ṭhutdir thiam ngai in le dingrep ngei te in kan tei hlan tiang hmai lei ah kar hlang ṭi in rian tuan ṭi u sih. Asi khawh chung in ralrin le runven lei ah kan ṭan deuh a hau, a bik in khualtlawn le lengchuah caan ah fimkhur tein kan umkal a herh.

Yangon khua laifang Butathawng(ဗိုလ်တထောင်) peng Theinphyu(သိမ်ဖြူ) bu-choh lamcung motor pi-ke umnak hmunhma mei khanghpiak an ton caah nizaan zaan ah ralhrang phu hna nih cu ka hmun cu checkhlatnak an tuah tiah Yangon khuasa hna nih an chim.

Motor pi-ke umnak hmunhma mei a kang mi cu hmuh a si, ralhrang le palik phu zong an um, cu ka hmun cu an zoh hnu ah an kal than tiah Yangon khuasami pakhat nih a chim. Cun south Okkalapa peng no.4 sang, Parami(ပါရမီ) lam ah ummi ralhrang phu kuttang um company ta si mi Parami (ပါရမီယာဉ်) YBS 14 line bus pakhat chungah November 29, zaanlei suimilam 6:30 ah puahkehnak a chuak tiah theih a si.Nizaan zaan lei ah Parami(ပါရမီ) bus chungah puahkehnak a chuak tiah kan theih, puahkeh thawng zong a thang tuk a si lo, minung aa hliammi zong an um lo ralhrang le palik cheukhat an rat cu hmuh a si tiah cu ka hmun pawng ah a ummi pakhat nih a chim.Ralhrang phu ta si mi Parami(ပါရမီ) bus, Omini Focus bus hna cu i cit lo ding in le ralhrang thil chuah a simi hna cu hmanlo ding in dothlennak ah cawlcaangmi mino hna nih mi zapi sinah nawlnak cathanh an rak chuah cang.

Vawlei Cung Ralpi 2(Second War) Lio I Bomb Cu Kum 76 Hnuah Apuak Than;US le Britist aerial bomber planes pawl nih khan  kum 1943-1945 chung ah khan Germany ah hin Bomb hi 1.7 million ton tiang arak thlak I US airforce record nih alangter ning ah cun hizat bomb chungah hin 15percent hi cu an puak lo, cu hna cu lei tangah Pe 6 in pe 10 hrawng ah aaphum mi bomb an si.Munich, Germany ah vawlei ralpi 2nak lio ah Britain nih bomb an rak thlak mi cu kum 76 hnuah ruahlo tuk in arak puak than I minung pali ahliam hna, December 1, 2021 ahkhan Munich, Germany i Central railway sataion lam an remh lio ah vawlei tang a thuk tuk lo ah aaphum mi British Aerial bomb cu arak puah hi si. Apuah nak hmun ah hin ni danga bantuk in minung arak tam lo. Cun hi apuak mi bomb hi thiamsang hna nih investigation an tuah hnu ah Kg 250 arih mi asi tiah an theih.

Germany ah hin Kum tin in Ralpi II lio I bomb arak puak lo mi hi Ton 2000 hrawng hna hmuh le thianh lengmang asi peng, cu bantuk thiam thiam in England zong ah an hmuh ve I nikum June thla ahkhan Frankfurt Germany ah British blockbuster bomb KG 2000 hrawng asi mi cu an hmuh I minung 7000 hrawng nih hmunhim nak lei ah an thial cang ti asi.Bomb apuah nak ah hin an si khawh chung in an ven ko nain bomb puak nan a cu building  pawl hi ahrawh thiam thiam ko hna I tangka in bawmh peng an si. Hi bantuk in bomb hmundang ah thial nak ah hin angan bik mi cu 2011 lio ah khan British Grand slam bomb Kg 10000 tiang arit mi an rak hmuh mi kha asi I Dresden city in minung 77000 hrawng nih cu bomb cu apuah ding asi caah hmunh him nak lei ah an tak thial mi kha asi.

Be the first to comment

Leave a Reply

Your email address will not be published.


*