Khuavang Note, Satu Lainu Muidawh Taktak A Si Mi, Sinbia Nih Cun, Ralzam Mi Hna Ca Ah, Bomh Nak.

American, Kawlram le Mizoram leiin thazaang pek a tongtu American ah khuasami Chin nu hlasak thiam Shin bia nih India ram, Mizoram ah a phanmi Kawlram ralzaam mipi cu tongin thazaang a pek hna lai tiah theih a si.

April 8 ah khan American in New Delhi ah vanlawng in a rak phan cang nain fiang tein thawngpang theih a si rih lo,Amah cu CBCUSA Khrihfabu hruaitu hna he an kalti tiah theih a si.

Nikum Oct ah khan a chuahmi Khuavang Note Mizo hla cu thazaang petu an tam ngaingai i, Youtube zohtu hi 2.7 millions bak an um cang.

Thawng pang dang, Lungrual taktakin Rakhine miphun le zalonnak caah tiin kum tampi chung a chang a chang in hramhram uktu le uknak Kawlram ralkap a ralchanhtu, Rakhine ralkap nan dihlak upatnak kan in pek hna.

Kannih ACDF zong nih hlan lio kan pipu hna chan in nihin ni tiang hmunkhat ah a thudirmi kan si lawng siloin hramhram uknak le uktu Kawlram ralkap cu kan ralchanh ve, A chan a chan in namnehnak le hremnak kan tonmi hna zong hi.

Rakhine miphun he kan ton ning, kan tuar ning aa tluk bak ve. Atu ahcun kum 2021 lio i rampi nawlngeihnak laaknak thawngin rak dirhmi ACDF zong nih Rakhine ralkap hna i cawlcangh ning hna i zohchih in a dih dongh tiangin ral kan tu kahdoh ve lai. Crd: The federal Times.

Thlacam nun, Lung um bia tawi Mitcaw a si nain mitcawtnak nih Pathian hmuhnak a dawn lo, a mitcawt bu in fiangte in Pathian a hmuh khawh. Minung sinak tuak ahcun, Pathian biachalh in biahal ding, hmanh khi a si.

A nunnak thlalangawngpi ai khar, vawlei hi anih ca ah cun muihnak in a khat peng. Chunzan ai dang ti lo, vawlei dawhnak niceu a ca ah a tlang lo ti awk khi a si. Phun dang in kan chim ahcun, vawlei nuamhnak a tep kho ve lo i nun chan ngei lo a si. A ca ah vawlei nun hi nun phurrit a si.

A mit a cawt tik ah vawlei nun hi nun sullam ngei lo a si kan si hnga. Sinain a mitcawt kha Pathian mithmai fiangte in a hmuh khawhnak a si lehlam ca ah zumhtlak tein a thih tiang Pathian rian a ttuan. Vawlei dawhnak, niceu dawh a hmu kho lo, nain a dawtmi Pathian cu fiangte in a hmuh khawh.

Cucu vawlei ka nunchan a si ko a ti caah mi tlamtling lo ah an ruah mi pa kha ai lawm bik mi a si,William W. Walford hi,Thlacamnak caan lawmhnak a si, timi hla a phuahtu a si. Mitcaw a si nain a mitcawtnak nih Pathian hmuh a phen lo.

A mitcawt bu in Pathian rian a ttuan i min ngei pakhat a si. A mitcawt tik ah mi pakhat nih Baibal relpiak in hnatheihnak in Baibal cacaang vialte tlawttlau lo tein ai cinken kho dih mi pa a si, Mi nih cun a mitcawt ruangah pumtlamtling lo a sinak zoh in nihsawh tampi a tong ko nain.

ka ca ah Pathian nih zei paoh hi a ttha in a khan ko timi lungput a ngei i hawi ttha bik ah ai tlaihmi Pathian kha a sinak vialte a chimhruah peng. Thlacam hi a tirawl thaw bik a si i.

cu thlacam nunthawtnam a tehmi nun in a luang mi Pathian thangtthatnak hla Thlacamnak caan lawmhnak a si, ti mi a phuahnak hi a si.