KIA Hruai Mi Chak Lei Buu Fonh Hriam Tlai Le Kawl Ralkap An Ni Kah Nak Ah,Kawl Ralkap Bawi Pakhat A Nun Nak A Liam Tthan Cang.

Kutkhine khua luhnak rallokap duty gate ah kahnak a um. Rallokap ralbawi telin a thimi an um Shanram chaklei Kuatkhine khuapi ah May thla 5 zanlei sangah Kuatkhine khua luhnak pawngah rallokap duty an tuahnak ah chaklei aifonhmi hriamtlai ralkap hna he kahnak a um.
Zan 7:00pm hrawng in kahnak ai thawk I an dutynak gate mei a kang,

Khualtlawng motor le thil phor mi motor a rawk a puak rih lomi hriamnam cheukhat cu tu zingah kan hmuh hna tiah khuami hna nih an chim. May thla 4 thawkin Kuatkhine khua ah hin rallokap le chaklei ai fonhmi miphun hriamtlai ralkap KIA, TNLA Le MNDAA fonh in an I kah hi a si.Man lung Manban khua pawngah kahnak fakngai in a um I rallokap leiin KLY (9) in ralbawi telin a thimi an um hna I hriamnam tam tamnawn an chuh khawh hnatiah thawngthanhnak an tuah.

Rallokap lei in cung zeihmanh a atu tiangah thawng thanhnak an tuah rih lo. May 4 ni kahnak ruangah Kuatkhine mi sawhsawh 5 hma an hmu I inn cheukhat hriamnam nganmi kuan khenh ruangah an rawk ding tiah theih a si. May 6 tu zing tiangah Kuatkhine ah hin rallokap ke chaklei ralkap I kahnak a zual peng rih ko tiah hmun um cheukhat nih an chim ti si.

Be the first to comment

Leave a Reply

Your email address will not be published.


*