KIA Le KNU Ah A Lut Mi Mino An Tam Thluahmah Cang Caah, An Tha Zang A Tthawng Chin Chin Cang.

Kawl ralkap nih hramhram in uknak an lak hnu ah kawl ram chung a ummi hna nih harnak phunphun kan ton, ram caah nunnak a hlumi hna tampian um cang. Ram le miphun dawt ruangah tlang cung hriam tlai cheukhat hna nih ralhrang uico pawl cu an doh ve thluahmah cang.

A bikin KIA le KNU hna nih ram le miphun dawtnak cu an tuahser nak bakin an langhter ve.Kawl ralkap zong tampi an thah cang hna, sakhan zong tampi an tin cang, sihmanhselaw, Kan pasal ttha hna lak zongah a thimi an tlawm tilo, Ralhrang pawl nih hriamnam ttha pipia phunphun ngei len ko hna hmanhselaw, kan ngeihmi an ngei ve loh tiah ralhrang a doh cuahmahmi KIA le KNU sin ah mino tete a luttharmi an karh chin thluahmah.

Ram chung in siseh ramleeng in siseh KIA le KNU dirkamhtu tampi an um cu hna lakah kan mino tampi zong uar an um kho tuk. Thailand ram zongin Ralhrang pawl doh dingin KIA le KNU ah a lutmi an tam ngai cang, nikhat hnu nikhat in an karh chin thluahmah, teinak cu Bawipa ta a si ti ruahchan nak ngei buin ram le miphundawt ruangah KIA le KNU ah a lut thar vialte nan dihlak cungah daihnak tlung ko seh teinak zong na hmuh hrimhrim hna seh ti hi kan duh piak mi hna cu asi.

Be the first to comment

Leave a Reply

Your email address will not be published.