KIA Le KNU Nih Cun Ralhrang Hna Cu, Cum Lo,Cat Lo In,An Phomh Ko Cang Hna.Ralhrang Tam Tuk An Thi Tthan Cang.

KIA nih cun Ralhrang hna cu, mipi an tlaih mi hna cu a rannakin chuah hna uh tiah an nawl lengmang hna i, ralhrang hna nih an nawlnak hna cu, zeiah an relpiak hna lo caah, nithaizingah khan faktuk in an Phomh tthan cang hna tiah theih asi. Tuzing zong KIA hriamtlai phu nih Kawl ralkap cu an sakhan an kah than cang hna tiah theih a si.

Kachin ramkulh, Hugawng horkuang (nelrawn), Ledo lampi thluan, Shaduzup khua ohsu, Sanpiah khua hriangah a ummi Kawl ralkap sakhan cu KIA hriamtlai hna nih an lut hnawh i an kah hna tiah theih a si. Cu Kawl ralkap sakhan cu kha-la-ya 297 tatzing kut tangah a ummi an si i, KIA hriamtlai tatmaha 2 tatzing 14 he an ikahmi a si tiah theih a si.“Tuzing suimilam 2:30am hrawng in meithal puak thawng kan theih.

Meithal thawng sawhsawh lawng siloin Miakpi thawng zong aa tel. zinglei suimilam 5am hrawngah meithal puah thawng a dai” tiah Sanpiah khuampi pakhat nih a chim. Cu kah dohnak ruangah khua chung ah meithal kuan, miakpi kuan ti bantuk a tlami a um lo tiah khuami hna nih an chim.Cu ralkap sakhan cu tuan deuh ah Shaduzup khua ah a um tawnmi a si i, 2019 kum ahkhan Sanpiah khua hriang ah an ithial tiah theih a si.

KIA le Kawl ralka kar ahhin tukar kahdohnak a um pah lengmang. Nai March 11, 2021, zinglei suimilam 3am hrawngah KIA hriamtlai hna ni Kawl ralkap sakhan pakhat le palek sakhan pakhat an luh hnawh i an kah ti zong in theih a si.
Cu zing suimilam 5am hrawngah cun ralkap sakhan le palek sakhan pahnih an la i hriamnam tampi an la kho tiah theih a si. cu pinah Kawl ralkap minung 20 hrawng an thah rih fawn hna.

Cu ti KIA le Kawlralkap an i kah lio ah cun Kawlram nichuak thlanglei Karen ramthen ah KNU le Kawl ralkap an i kaap ve.KNU nih Phapun pengkulh um Kawl ralkap Tatmaha 5 cu an tuk hna i Kawl ralkap 38 bak te an thi. Cu hnu ah Kawl ralkap Tatmaha 6 zong an kah than hna i 3 an thah than hna. Ref: Myitkyina News Journal

Be the first to comment

Leave a Reply

Your email address will not be published.


*