KIA nih cun Ralhrang phu cu a ttha bak ti lo, Nikhat hnu nikhat a tomtom in a thianh cuahmah cang ko

KIA nih cun Ralhrang phu cu a ttha bak ti lo, Nikhat hnu nikhat a tomtom in a thianh cuahmah cang ko
==================

Sagaing ramthen,Pinlaybu peng,Inka khua le Satawngpon khua kar hmun pakhat ah Kawlin Laka khua lei in a ra mi ralhrang thazaang 100 hrawng cu KIA ralkap thithruainak in Kawlin,Vuantoh,Pinlaybu PDF fonh in nihin September 24 zinglei suimilam 11:50 ah i kahnak a chuak ralhrang lei in 25 an thi,hliamtuar mi an tam,PDF lei in 5 hliamhma fak lo in an tuar tiah NUG runvennak vuanci zung nih thawng an thanh tiah KTM nih a tial.

September 22 ah Pinlaybu peng Mumit hlri cungah ralhrang lei in Kawlin,Vuantoh,Pinlaybu PDF kar ah i kahnak a chuak ralhrang lei in 15 an thi Bokyi an tlaih a hriamnam he. “22 Mumit hlei cungah a cangmi kahdohnak ah hriamnam tampi lak a si i,meithal tu cu pahnih lawng a si,ralhrang lei an zaam hriamnam cu mumit hlei ah an hlonh i an tli tiah”Kawlin PDF nih KTM ah an chim.

Sagaing ramtthen, Tanhse peng Kyikung khua cu September 24 zing ah a kang than i hihi ralhrang nih a ni hnihnak an khangh asi tiah khuami hna nih an chim. Hi khua hi Palek chungkhar thahnawn an ton hnu in ralhrang pawl nih nizaan ah inn an khangh hna i tuzing (September 24) an khangh chap tthan tiah khuami hna nih an chim.

Khuami pakhat nihcun ” Motor pakhat in an ra i an rak khangh than nizaan ah khua chaklei an khangh i tuzing ah khua thlanglei an khangh.Nizaan kha NLD party chungtel inn pawl an khangh tuni zong cutin a si ttheo lai Palek nu pakhat le bang cu amah bak nih mei a nawn thluahmah a chungkhar an thih caah teirul cham ti a si ko lai dah” tiah a chim.

Hi Kyikung khua ahhin September 22 zaan ah kahdohnak fak ngai a chuak i cu dih cun Palek chungkhar si mi Pyusawtthi zong simi U Ye Myint nupi le a fanu hlei ah a tunu zong thah an rak tong tiah theih asi. Nain mizei nih an thah hna timi cu hngalh a silo pin ah Tanhse peng PDF nih kanmah kan si lo tiah an rak ti.

Kahdohnak a chuah hnu ah khuami hna an zaam i cu kar ah ralhrang nih inn an rak duah hi a si nizaan September 23 ah inn 18 an duah tiah theih a si. Hi Kyikung khua hi inn 100 hrawng an si i a tu cu an khua ning in khua an chuah tak tiah Irrawady nih a langhter. Crd; The Chin Post

Be the first to comment

Leave a Reply

Your email address will not be published.


*