KIA NIh Kawl Ral Hrang Hna An Tei Lengmang Nak Hna A Ruang Theih A Si Cang.

AaNa Ting (Sit Council) an ni ti maw? ningzak in nihin tiangah zeihmanh tuah khawh loin le ramchung daihnak kan duh tiin kum (60)chung an au cang i, ziah AaNa hmanh pei an ting cu, ramchung daih nak hmanh an tuah khawh ttung lo i, anmah le anmah pei buai ko hi. hi lio ah hin, tlang cung mi nih caan ttha kan lakkhawh nak caan asi ve cang.

Cu bantuk cun Kachin independence army (KIA)hna nih cun kum sau tuk an rak doh cang mi hna kawl terrorists Misual hna cu, a peh tein a tu lio hrawng cu an doh hna i, ralhrang hna cu tamtuk an thih cang lengah, an hriamnam vialte hna zawng KIA nih an chuh dih pah cang hna i lawmh umtuk mi thil a si ko.

Ni thaizing zongah kachin ramkulh phakanh khua ah an ni phomh tthan cang i, KIA lei nih pelh dih lak in an tei tthan cang hna. ralhrang le Police lei hi minung 36 an thi tiah theih asi. hi long silo in, an hriamnam le an thilri vialte hna cu KIA nih an tingpiak dih hna tiah KIA lei thong thanhtu nih cun a chim diam cang.

KIA hna hi kan chim tawn bantuk in, Israel miphun he an ni lawhnak a um pah len. a ruang cu raltuk nak an kal lai pohpoh ah hin,pathian sinah thlacam nak an ngeih zungzal mi hi a si. A tu zongah KIA lei nih cun, mipi sinah biacah tawite an rak chim tthan cang. cu cu zeidang silo in, kan biak mi pathian sinah thlacam in rak kan bawmh zungzal ko u ti hi si. kan pathian kan leiah a ttan siah cun, tei nak cu kan hmuh zungzal ko lai tiah an chim.

A Mak tuk mi thil pakhat cu, hi tlukin kan ram a buai lio ah,KIA si hna seh,cun,KNU zong si hna seh, kawl ralhrang hna he an ni kah tik pohpoh ah tei nak a hmuh zungzal mi hi si. cu long silo in, an sakhan tiang hna an lak piak dih tawn hna.KIA le KNU hna nih fakpi in an kan ttanh pi siah cun, tei nak cu kan hmuh hrimhrim ko lai ti hi zumh cio ko u sih.

Credit : KIA Journalist

Be the first to comment

Leave a Reply

Your email address will not be published.


*