KIA Ralkap Le Myanmar Ralhrang Hna Cu Fak Tuk In Ani Phomh Tthan Cang.

Kachin ralkap KIA Le Myanmar ralhrang hna cu ramri hrul ah faktukin ani kap tthan cang tiah Mannaung khuabawi pa nih cun RFA sinah a chim.ani kah hi march ni 4 zing leiah asi chun nitlak bakin ani kap ko tiah a chim mi cu asi.mah belte a thi mi le a hliam mi hna cu zei hmanh a chim lo.

Ani kah nak hmun hi Kachin Ralkap (KIA) nih an uk mi, an hmunhma a si. Zinglei hrawngah Kawl Ralkap le Kachin Ralkap (KIA) cu Khua leng deuh ah an i tong i, fak tuk in an kap tiah a chim. An i kah cuahmah lio ahhin Mannaung Khua ah um mi U Toe Kyaing Kum 46, Zaw Toe Naung Kum 25 le Ma Kha Kum 20 Minung 3 cu Kawl Ralkap nih an tlaih hna i, an kalpi hna tiah mi pakhat nih RFA ah report a pek.

Ralhrang phu lei hi zei phu dah an si timi fiangten theihkhawh a si lo nain, mahka hmun hrawngahhin Tatma 88 le 99 hi a biapi in a cawlcang lengmang mi an si tiah Khua mi pakhat nih a chim. Zinglei hrawngah Hriamnam ngan kah thawng kan theih i, chun suimilaam 2:00pm hrawng tiang an i kap peng tiah an chim.

Ralhrang le Kachin Ralkap (KIA) ani kahnak ruangah Khua mi, minung 59 cu Mannaungkaung Khua Kachin Biak-inn ah an zam hna tiah a Khirhfabu chung rianngei pakhat nih a chim. kan biakin i a rak zam mi poh cu,ttha tein kan khrihfa bu nih cun kan zoh khenh ko hna lai ti zawngin a chim chap.

Ref: RFA Burmese

Be the first to comment

Leave a Reply

Your email address will not be published.


*