KNDF

Demoso ah KNDF nih SAC ralkap kuanfang cheukhat an laak

October 8 | Kayah (Karenni) Ramkulh, Demoso Peng ah SAC ralkap hriamnaam (kuanfang pawl) KNDF nih an laak.

Hihi SAC ralkap nih daithlan in an kaltak mi si loin cunglei nih nawlpeknak an in khawh ti ko ruang ah a zaam mi ralkap nih an kaltak mi a si lai, tiah KNDF-B09 nih…
Crd. The Hakha Times

European Parliament nih NUG le CRPH Dirkamh ding in Biachahnak a Tuah
October 7 ah European Parliament (EP) tonpumhnak an tuah i “Phungning in Myanmar mipi a aiawhtu NUG le CRPH cu kan cohlan i kan dirkamh,” tiah vote an thlak.

EP cu chungtel ram 27 an umnak European Union (EU) i upadi sertu bu pakhat a si. EP ah chungtel palai milu 705 an um.

NUG le CRPH cohlan le cohlan lo kong ah vote an lak i a cohlangtu vote 647, a cohlang lotu vote 2 le vote thlak lo (neutral) in a ummi 31 an si.

Myanmar ramchung hmun kip ah SAC nih tuksum nuhrin covo buarnak pehzul in a tuahmi kong ah EP nih fak piin mawhchaitnak le sualphawtnak zong a tuah.

EU chungtel a simi ram 27 hna cu:Croatia, Republic of Cyprus, Czech Republic, Denmark, Estonia, Finland, France, Germany, Greece, Hungary, Ireland, Italy, Latvia, Lithuania, Luxembourg, Malta, Netherlands, Poland, Portugal, Romania, Slovakia, Slovenia, Spain le Sweden hna hi an si.

October 5 zong ah khan French Senate ah NUG cohlan ding in biatung an chuahmi cu zapi hnatlaknak in cohlan a si.

Cun, October 5 thotho ah US Lower House ah SAC fak khun in dantat khawh nakding upadi “Burma Unified through Rigorous Military Accountability Act of 2021″ timi an chuahpi fawn.

Crd. The Chin Journal

Be the first to comment

Leave a Reply

Your email address will not be published.


*