KNU Brigade hmun 5 ah Ralhrang 166 ceilak an thah

KNU Brigade hmun 5 ah Ralhrang 166 ceilak an thah
=============

Karen National Union(KNU) ralkap cawlcanghnak Bago ramthen, Karen ramkulh, Mon ramkulh chung hna ah Karen National Liberation Army(KNLA) le Ralhrangbu, karen ramri cawngtu BGF fonhti phu hna kar ah August thla thla 1 chung ah raldohnak voi 217 a chuak i ralhrangbu le BGF lei in mi 166 an thi i 101 hlaim an pu i KNLA lei in pa 2 an nun nak a liam tiah KNU nih September thla ni 3 ah thawng thanh nak a tuah.

Karen National Union(KNU) cu Brigade pa 7 in an dirh i Brigade-7 Hpa-An District, Brigade-4 Dawei District hna mah District pa 2 dah ti lo cun a dang Brigade pa 5 ah cun raldohnak a chuak.

Brigade-1 Thaton District, Brigade-2 Taungngu District, Brigade-3 Ngaunglaypin District, Brigade-4 Dawei District, Brigade-5 Hpapun District, Brigade-6 Duupalaya District, Brigade-7 Hpa-An District hna District pa 7 in KNU cu an ser mi a si. Crd. Khit Thit Media

September thla ni 3, zinglei sml. 6:30 hrawng ah CDF-Mindat chungtel pathum nih bomb an tarh lio ah a puak sual i kum 20 hrawng a simi mino pakhat a nunnak a liam.

“Bomb an tarh lio ah a puak. A hmun ah mino pakhat a nunnak a liam i, a dang pahnih hliamhma an pu,” tiah CDF-Mindat chungtel pakhat nih a chim. September 3 tiang ah CDF-Mindat in minung 33 nih ram le miphun ca ah an nunnak an pek cang. Crd. The Chin Post

Be the first to comment

Leave a Reply

Your email address will not be published.


*