KNU Le Ralkap Ani Kah nak Ah Ralbawi Pakhat Telh In Minung 3 An Thi I, 4 Nih Hliam An Pu.

KNU Ralkap Nih Kawl Ralkap An Phomh Hna i, Ralkap Bawi Pakhat Telh In Minung 3 An Thi. 2021 February 26 ah Kawl Ralkap nih CDM ah ai tel mi an tlaih hna nak ah KNU Ralkap he an i kap i, Kawl Ralkap cu Ralkap Bawi pakhat telh in Minung 3 an thi i, Minung 4 hliamhma fak an tuar tiah 7 Day TV nih a chim.

Nihin chun hrawngah khan Kayin Pyine, Kawkareik Myone, KNU Ralkap (Tatmaha-6) an hmunhma a simi Kawkareik-Kyaintong Lamcung i, Maungma Khuathar lei ah Kawl Ralkap cu KNU Ralkap theihnak tuah hmasa loin an luh caah an i kah hi a si. KNU Ralka nih thawngthanhnak tuah hmasa loin kan hmunhma an luh caah kan i kahnak a ruang a si tiah an chim.

Kawl Ralkap le KNU Ralkap cu Minute 15 hrawng an i kap tiah theih a si. An i kahnak ruangah Kawl Ralkap lei in Ralkap Bawi pakhat telh in Minung 3 an thi i, hliamhma a pu mi, Minung 4 an si tiah KNU nih an langhter. Kawl Ralkap pawl hi CDM ah ai tel mi pawl tlaih dingah a kal mi an si i, KNU Ralkap humhimnak Gate an lawnh caah an i kahnak a ruang hi a si tiah theih asi.

A tu tiang hi an i kahnak hmun ah an um veve rih i, mipi humhumhinnak dingah Zuatit Khua le Kawkareik lam cu an phihkhar dih tiah thawngtheih a si.

Credit : 7 Day TV

Be the first to comment

Leave a Reply

Your email address will not be published.


*