KNU Pawl Nih Tlang Cung Mi Vial Te I Fonh In Kawl Ralkap Phomh Ding In An Ti Cang.

Uico Myanmar ralkap pawl lal duhnak le uktu si duhnak cu ramchung mipi le tlangcung mipi caah harsatnak tamtuk a chuahter lengmang caah ramchung mipi pawl le tlangcung mi ibawm in hmunkhat ah ttangtti in ralkap pawl cu an ci in kan hmih viar hna lai tiah KNU hriamtlai nih nizan March 5 ahkhan cathanh an chuah.

Hi bia hi March 5 ni zong ah Kayin ramtthen, Mu Taw pengkulh, Butu le Dual Lu peng ah minung thonghra renglo nih Kawl ralkap duhlonak sandahpiahnak an ngei i KNU ralkap pawl nih ready taktak in sandahpiahtu mipi pawl cu an ven hna.zeipoh tlung sehlaw ready kan siko cang tiah an chim mi cu asi.

Hi bantukin duh lonak a langhter a langhter mi, mipi pawl nih ralkap uknak dihdonghter ding, 2008 phunghrampi hrawh ding, Federal Democracy phung tuah ding, mahte khuakhan lairelnak ngeih ding, UN chungtel ram pawl nih uknak a latu ralkap pawl he rianttuantti lo ding.

Kayin ramtthen chung ah ralkap sakhan a ummi paohpaoh lak viar cding le tlaih a tongmi pawl an zate in thlah viar ding timi pawl nawlnak an ngei i sandahpiahtu mipi pawl nih an halmi cu KNU nih kan pom viar tiah cathanh an chuahmi chungah an langhter mi cu asi..

Ralkap le Police pawl nih sandah a piahtu mipi pawl harsatnak an pek a si ahcun KNU nih mipi pawl kan humhim hna lai. Cu an duh lo ahcun kan i tthua colh hna lai tiah KNU nih an chim chih. A tu lio kan umtu ning zoh tikah hi bantuk ruahnak an chuah mi hi,lunglawmh awk ngaingai asi cang.

Ref-Thit Media.

Be the first to comment

Leave a Reply

Your email address will not be published.


*