KNU Uar An Um Tuk Cang : Ralkap He Ani Phomh Nak Ah Ralkap Lei Tam Tuk An Thi.

KNU Le Ralkap An I Doh Nak Ah Ralkap 5 An Thi I KNU Zong Nih An Sakhan A Chuah Tak Ve Cang.Karen ramkulh siloin Mon Ramkulh lei ah karen ralkap KNU le Myanmar ralkap cu nizan March 9 ah an i doh i taktak i Myanmar ralkap 5 an thi tiah KNU nih nawl a chuah. Karen ralkap lei cu a thi mi an um loh nain, Mon ramkulh i an sakhan ,an um nak hmun an chuahtak ve.

An buai thok dan ning cu Mon ramkulh Thaton District chung i Karen ralkap umhmun an khuarnak cu Myanmar ralkap lei nih a lang in an van kah hna i cuti cun i doh nak cu a chuah nak a si. Khat le khat ralkap i kokhawm veve in an i doh mi cu, Myanmar ralkap 5 an thi.

Karen ralkap lei cu a thi mi an um loh nain, Myanmar ralkap lei an tam thluahmah tikah thih ttih nak in an sakhan an chuahtak ve.KNU hna hi an ramchung buainak ah,zeitik poh ah,mipi leiah an ttang i, mipi an bawmh zungzal hna caah mipi zawng nih an uar tuk hna ti si.

KNU cu tui dirhmun ah hin Karen ramkulh chungah ralkap uknak duh loin lamzawh sandahpiah nak a nei mi mipi pawl humhim nak ding in khawchung ah a va lut mi an si i, hi bantuk i an cawlcangh ruangah Myanmar ralkap nih cun hmundang i an sakhan le umnak cu dohding in timhlamh nak an nei cuahmah ko tiah thawngtheih a si.

Credit : News Journal ,KNU

Be the first to comment

Leave a Reply

Your email address will not be published.


*