Kum 11 Chung An I Um Cang Nain Ihkhun Pakhat Ah An Itti Rih Loh, Room Dangdang Ah An It

Lauren le a pasal cu kum 11 chung bak ai um cang mi an sinain, innkhun pakhat ah an itti rih loh. Lauren cu a hngakchiat lio tein midang sin ah a it kho bal loh i ai hngilh kho bak loh. An thawchuah thawng le an cawlcangh thawng nih a hngilh ter kho bal loh.

Veikhat ai thangh sual siah cun ai hngilh kho thai ti loh. A pasal zong nih a nupi sining cu a theih thiam piak i, room dangdang ah an it tawn. An thawngpang thei mi poh nih an khuaruah a har dih i ihkhun pakhat i ihti lo cu nan i then te lai tiah an ti tawn hna.

Asinain, an nupa in mah cucu thil hman lo a si, hmunkhat i ihti nak cun i hgilh khawh a biapi deuh, mihkuh cim ten kan ih khawh a siah cun kan chungkhar zong a nuam lai cuteh tiah an rak ti ve. Lauren nih ‘Minung cu kan thinlung put ai khat hna loh. ṭhenkhat nih cun nupa hmunkhat tei ihti i ipom zong a sunglawi tuk mi a si ve tiah an ti khawh men, Asinain, mah duhnak i ih khawh hi a sunglawi deuh mi cu a si tiah a ti.

Ihkhun pakhat ah an itti lo nain anmah pahnih cu an i duh tuk hringhran. Asiah cun zeitin dah nupa sinak an hmanti khawh ne na ti khawh men? Room khat ah nupa-sinak cu an hmang ta i an theh hnuah “Honey! Mangṭha aw” tiin an i thlah tawn hna.

Be the first to comment

Leave a Reply

Your email address will not be published.