Kum 16 Tleirawl Nungak Note Cu A Tlangval Hlun Nih Voi 4 Khelte Bakin A Tleihhrem Hlei Ah

Kum 16 Tleirawl Nungak Note Cu A Tlangval Hlun Nih Voi 4 Khelte Bakin A Tleihhrem Hlei Ah: Mah hi tleihhrem a tongmi kum 16 tleirawl nungak no hi a min cu an langhter loh tiah theih a si i hi bantuk in thil a cang chung hi thla khat a rau cang tiah an chim. Hi tleirawl nungak no a tlangval hlun nih hin an i tthen cang hnu zongah phone in a rak tlerh i kan fialmi na zulh duh lo ahcun kan sual lio zukcawl ka lakmi kha mi kip sin ah ka zohter hna lai tiah a tlerh peng.

Cu lioah cun hi pa nih a phone in a thli tein a sualpi lio cu zukcawl in a rak lak i cu zukcawl in cun an i tthen hnu ah a tlerhnak i caan dang ah a tleihhrem tthan tiah theih a si. Cu hnu cun mah hi nu nih hin a celh ti loh i a hringtu a nu cu a tonmi kong vialte cu a chimh dih. Cu caah a hringtu a nu nih palik sakhan ah a fanu kongkau cu palik pawl a chimh hna tiah an chim. A tu hi palik pawl nih Tan Way Yan Hing cu kum tling lo tleihhrem le tlerh timi sualnak case in taza an cuai lio a si tiah theih a si. Cu caah nungak hna nan tlangval le kha zum tuk hna hlah u law hi pa hi mi ttha a si maw zei bantuk minung dah a si timi kha zoh ta hmasa peng hna uh.

Be the first to comment

Leave a Reply

Your email address will not be published.