KZB Nank Nih CDM Phung A Zul Duh Lo,A Ruang Cu?

Cu ruangah kha ruangah timi a ruang chimh thluahmah si cang. KBZ thawngpang cu fehter a si cang. Nan dihlak nan theih cio bang in Bank 6 nih an bank cio an on piak cang hna lai. Zeiruang ti ahcun, Ralkap nawlngeitu hna nih KBZ Bank mirum chungkhar cu hramhram in an fial i an thihphaih. Bank nan on lo ahcun nan bank cu cozah ngeihmi ah kan ting lai an ti tiah Bank nawlngeitu pakhat sin in thei a si.

Asinain Bank ngeitu mirum pa nih bank riantuantu pawl zung an kai lo caah riantuannak kong ah harsatnak kan ton kho tiah a leh hna i, ralkap nawlngeitu (M-Ah-La) lei nih anmah ralkap chungkhar hna chung in Bank riantuantu na fial hna lai i, bank nan on lai an ti tiah theih a si. Ma-Ah-La ralkap pawl cu phaisa an ngei ti lo ti si.

Mipi phaisa zong a si khawhnak lam paoh inn an lak cang. Bank an on bak ah nan chiahmi vialte chuak cio uh. Zumh an si ti lo. Atu an on dingmi bank pawl zong zoh hmanh uh, phaisa chuah a ngah lo caah an buai hnawh cang hna. Nan kut chung phaisa a um lawnglawng ah caan sau kan doh khawh lai. Nan phaisa chuah hmasa cio ko uh. Bank kong ah a buai ngai cang.

Nai February 15 ni ah, ralkap uknak lakmi an duhlonak le cozah riantuan pawl CDM tuah ve hna seh tiah Madalay khuapi 26 lam, 82 lam ah ummi Myanmar Sipuaizi Bank hmai ah sandahpiah hnawh a si. Chun suimilam 12 in sandah an piah hnawh i, zanlei 4pm hrawngah cun palik le ralkap za leng nih an rat hnawh hna. Cu ti cu i an hro hna, an tlaih hna i an thenthek hna tiah 7Day News nih a tarlangh.

Source : 7 Day news

Be the first to comment

Leave a Reply

Your email address will not be published.


*