Lai Mi Nih Hriam Tlai Phu Pa Li (4 ) Kan Ngeih Mi Hna Hi Zei Tin Na Ruah Ve?

Lai mi hi, minung tlawm te kan si ko nain,Biak nak leiah siseh, cun ramkhel lei zawng ah siseh,Bu tam bik a ngei mi pawl cu kan si lai dah.Bu kan dirh tik ah,kan miphun minung hi zeizat dah kan si ti le tum taktak a ngei lo mi kan lo tawn. Khrihfabu zawng ah Pastor le Upa ah a kan thim lo ah cun, kan lung nuam lo i, bu dang dirh nak tiang khua khang mi kan si.

Cun bantuk in, politic/ramkhel lei zawng ah, hruiatu ka si lo ah cun tiin, pawl/phu dang dirh a duh mi kan tam tuk.cu long silo in, ram leng lei in, lang hsarh duh ruang ah,online in,a tu lio kawl ram thongpang le a dang dang hna a tuah mi kan tam ngai cang.ka aw hi bia chimnak ah a ttha maw,? a fiang maw ti zawng kan ruat lem tilo.a bik in ramthum nak lei an si.

A tu nai ah,CNF/A cu faktuk in kan mawh chiat hna i,sihmanhsehlaw, upa le lung fim an si nak a lang. dai tein an um i, kan mawh chiat hna bantuk in an kan leh lem lo.hi hi zoh chun awk tlak pakhat an si nak a lang mi cu a si.thil hi tuah sual mi le tidik lo mi tampi an ngei tawn ttheu.

Nizan tihni ah,CNDF an dirh cang tiah ka vun theih cu, ka lau ngai ngai.a dirh tu hna tiangin an rak chim tik ah,Falam lei le a pongkam khua te lei an si tiah an chim tikah,hi bantuk phu dirh hi a tu lio caan ah cun, ttha tuk mi a lo ko nain, hmai lei caan vun zoh tik ah cun, ram le miphun tthen darh nak a rak si te lai ti cu fiang tein a lang mi asi.

Cu caah cun Laimi tlang cung hriam tlai phu pali (4) kan ngeih cang mi hna nih hin, bu khat ah i fonh hna sehlaw,kan ram le miphun hna caah zeitluk in dah rian an ttuan khawh lai ti cu, fiang tein theih khawh si ko.anmah in,anni fonh khawh lo si le, khuachung upa le hruaitu hna nih leng hna sehlaw, an fonh khawh hna siah cun, hruaitu hna zawng anmah nih thim hna sehlaw,cu nih cun, kan ram le miphun caah tampi san tlaih nak a ngei lai ti hi ca ttial tu ruah nak asi.

Be the first to comment

Leave a Reply

Your email address will not be published.


*