Lai Mi Nih Hruai Tu Ttha Kan Herh Ngai Ngai.

Ralhrang hna hi Kut lawng le thilri he duh lonak langhter lawng a ngah ti lo. Rlhrang nih an kan kah nak hi a sau pah cang i,a thi mi le a hliam mi zawng kan tam ngai cang. hi hi kan duh mi asi lo i, anmah nih ankan kah caah asi khawh chung in kan i vennak ruangah ralhrang hna zawng a thi mi an um pah len nak cu asi.

A tu i kan buainak hi vawlei cung ramkip le mipi nih an kan theih mi asi i,1988 lio buai nak bantuk asi tilo.Hi kan buainak kongah hin,UN SC zawng nih zei hua ha a tuah kho lo mi asi tik ah,mah le thazang pumpak in kan do ve hau cang mi si.ramchungah inn kang le mei duah cu a um len ko nain,khuate lei iin le lo hrawk piak taktak cu kan tawng rih.Cozah inn le company inn hna cu, a kang mi tam ngai cang. sinain hau nih a khangh timi zawng cu fiangtein theih khawh asi lo.

Hi duh lonak kan langhter miah hin, Feb 12 in March 13 tiangah cun myone kip ah langhter asi i, mipi lei a thi mi zawng kan tamtuk ko cang. Ralkap lei ruahnak ah cun, tu hnu thla 2 hrawngah cun duh lonak a langhter mi hna hi an tlawm chin chin te lai ti hi an rak ruah mi cu asi. Sihmanhsehlaw,tlawm cu chim lo,an tam chinchin lengmang tikah,ralkap an lungdawng tuk ko cang.Ralkap zawng nih hin,an chim mi le an tuah mi hi ai khat bal lem lo.

Kum 2008 phung an baur i, hriamnam ngan in ramchung mipi an kan kah,hi hi hmankhap mi asi, cun sualnak ngei lo mi hna nunau le hngakchia tiangin an tlaih hna i, an thah fawn hna.NCA rian kan ttuan lai an ti i,an ttuan fawn lo. An bia chim mi le an tuah mi hi aikhat hrimhrim lo.

Ralkap hi kan tei hna lai tinak si lo.kan duh mi cu,Federal Democracy kan duh i, ralkap nih cun Democracy longlong an duh tikah an rumnak le an tthut nak kal tak an siang tilo.anmah kawl miphun zawng nih ralkap uknak an duh lonak an langhter ve cang.cu lio ah cun tlangcung hriamtlai phu hna nih an kah hna lai i, ralkap cu an teiko hna lai i an nawl ngeihnak cu an thlah ko lai tiah an ti .

Lai mi nih ralkap cu lai meithal in an rak kah hna i,ralkap motor lam an kham mi hrimhrim hi upat awk tlak ngaingai anva si dah.KIA le KNU hna nih cun, anmah cu chim lo,anmi phun mi harnak an pek hna hmanh an duh lo i,an kah cawlh ve lengmang hna.sihmanhsehlaw ralkap hna hi lai meithal in cun kan tei hna lai lo i,a ttha deuh mi meithal kan ni dap hau ve cang.cu hnu cun, Lai mi pohpoh nih CNF/A hna he i fonh i, kawl ralkap kanram chungah an rak luh ah cun kan kah cawlh ve hna a hau cang

Nawl ngeih nak a duhtuk mi hna nih hin, fawi te cun,an nawl ngeih nak hi mipi kut ah,zeitik hmanh ah an kan pe lai lo caah,kan mah tein kan ni zuam a hau cang mi si.Hi hi a tlamtlin khawh nak dingah cun, hruaitu ttha kan herh ngaingai ko.Ram dang lei le UN SC ti bantuk ah hin i bochan tuk ti hlah uh sihlaw,kan mah tein kar hlang ve cang u si. Credit : Robert Tling

Be the first to comment

Leave a Reply

Your email address will not be published.


*