Laipa Pakhat Nih Khah Bible Kong Lam A Vun Tial Mi Kong Ah Zei Tin Nan Ruah Cio

Bible thiamsang, theologians le biblical scholars cheukhat nih zarhpi ni i Nu le le pa le ni biakinn i tuah hi an pom lo, siasal biak phunkhat ah an ruah. Keizong ka pom ve lo. Zarhpi ni cu Pathian biaknak ca lawnglawng ah hman ding a si ko i cu ve bantuk in biakinn zong Pathian biaknak ca lawng2 ah hman ding a si ko.

Nu le Pa cu Pathian can ai phun ah chiah i biak hna a lo tak cu. Nu le pa cu nitin in kan hmuh hna i kan pawngte ah an um bantuk in dawt khawh peng ding tuk kha kan rian a si ko. Nu le pa Ni tuah kan duh ahcun ni dang ah tuah ding a si ko. Hmur le kaa le cattial lawng in nu le pa dawt cu a tlam a tling lo. Tuahsernak tuk in dawt kha a biapi deuh.

Laimi hoi hna cu kan nu le kan pa hna hi tuahsernak in kan daw kho cio hna lo. Kawl miphun hoi hna cu an nu le an pa an dawt ning hna le an upat ning hna khi zoh tik ah a biak in a biami ko an lo. An chimh an ngai bak, an ttihzah bak hna. Chim duhmi cu nitin le a nazi ttem in kan nu le kan pa upat hna ding an si ko. Nu le pa ni lawng i nu le pa a daw ngai bantuk phun si cu a deu si.

Nu le Pa ni zong zarhpi ni le biakinn chungah tuah lo ah a ttha ka ti ve, Bible thiamsang cheukhat pawl ruahnak ka hrawm ve. Hringtu nu le vialte hna Pathian nih thluachuahnak phun2 le nun saunak in pe ko hna seh.

Relchap, (Phungthlukbia 31:10-31), Nupi ṭha cu hlawn nakin tampi in a sung deuh, cu bantuk mi hmuh bel cu a har hringhran A va nih aa bochan i a va cu a si a fak bal lai lo. A nupi nih cun a nun chung vialte a va caah khan chiatnak si loin ṭhatnak kha a tuah. Tuuhmul le khumla in puan kha a tah lengmang hna. Thilri in a khatmi sangphawlawng nih thilri an rak phorh bantukin lamhlat piin rawl kha a rak phorh hna.

Dei hlan in a tho i a innchungkhar caah khan rawl a chuan i a sinum ngaknu hna kha rian a chimh hna. Ṭha tein a ruah hnuah mitsur dum caah tangka a hmuhmi in lo pakhat kha a cawk.Thazang tlung ngaiin le lungtho ngaiin rian kha a ṭuan i a ngan zong a dam. A rianṭuanmi a hlawhtling ti kha a hngalh i zan ah a mei inn kha a mit bal lo. Amahte nih laa kha aa kher i amahte nih puan kha aa tah.

Sifak retheimi sinah nun a siang. Hawhra a tlak tikah a lungre a thei lo, Zeicahtiah a innchungkhar mi cu tling tein thil lum an ngei cio. Puanbu aa ser hna i a thilpuan cu lahmangṭhia le maimaw in tahmi an si. A va cu ram chung upa hna sinah a ṭhut tikah, hauka ah khan theihhngalhmi a si. La hmangṭhia puan kha a tah hna i taisawm kha a ser hna i chawlettu sinah khan a zuar tawn hna. Amah cu a ṭhawngmi a si i hmaizahmi a si i hmailei caan kha a ṭih lo.

A kaa cu fimnak in a pau i a lei cungah zaangfah cawnpiaknak kha a um. A innchungkhar umkalning kha ṭha tein a zoh i an herh an baunak kha ṭha tein a hmuh. A fale nih khan, thluachuak nu, an ti i a va zong nih khan a ti ve i a thangṭhat i,Nupi ṭha tampi an um, sihmanhsehlaw nangmah nih na lonh dih hna, a ti.

Iang hi hlen a hmang, dawh hi a ziam kho, Sihmanhsehlaw Bawipa a ṭihmi nu cu thangṭhat awk a si. Amah cu a kut theitlai ruangah khan thangṭhat u, Hauka ah khan amah cu a rianṭuannak nih khan upatnak hmuhter seh. Crd: Van tum.