Lairam kulh Cozah Zung Hmai Ah San Dah Piak Lo Ding In Mipi An Khap Hna.

Nihin zinglei Hakha khua ralkap uknak duhlo langhternak cu Chin ramkulh cozah zung hmaika ah an tuah i, uknak lei upa pawl nih an rak rat hnawh hna.Cozah zung hmaika ah duhlonak langhter lo ding in an thloh hna i, lamzawhtu lei mino upa hna nih sml. 10:30 tiang lawng kan tuah lai an ti caah an onh tthan hna.Ralkap uknak duhlo langhternak cu cozah zung hmaika ah sml. 10:30 tiang an tuah hnu ah an ngol, tiah theih a si.

Relchap: Chin Ramkulh Myanmar Economic Bank Civil Disobedience Moment cawlcanghnak ah aa tel mi hna cu an cunglei upa pawl nih an sian hna lo, an tlerhkhawnh hna tiah a thang.“Ralkap uknak duhlonak ca ah Chin Ramkulh Myanmar Economic Bank riantuantu Civil Disobedience Moment cawlcangnak ah i tel lo ding in an cunglei upa Ramkulh Bank Manager U Htin Kyaw, Pengkomh Manager U Zaw Min Taung le Chinmi a si mi Pu Thla Hup (Doh-kyi-kyat-ye-hmu) le Pu Hram Cung (Deputy Manager) hna nih Zung kai ding in an tlerhkhawnh hna ca ah kan duhlo,” tiah Facebook cahmai ah an langhter cio.

Hi kong ah Pu Thla Hup nih, “Keimah Thla Hup hi Myanmar Economic Bank ah riantuantu pakhat ka si. Keimah kong ah thawng dik lo a leng. Chimphuannak Nawlngeitu zong ka si lo, Ramkulh Manager zong ka si lo, a tanglei minung ka si ko, zung kai ding in tlerhkhawnhnak nawl a ngei mi zong ka si lo,” tiah a Facebook cahmai ah a langhter.Cun, “Pu Hram Cung nih, “Keimah cu Myanmar Economic Bank ah riantuantu pakhat ka si.

Keimah kong ah thawnghman lo a chuak. Bank ah riantuantu ngan bik zong ka si lo i, chimphuannak nawlngeitu zong ka si lo. Cunglei upa hna nawl peknak in ka chawnhbiak mi hna le ka hal mi hna lawng a si. Tlerhkhawnh a si lo.
Tlerhkhawnh ah a ruat mi riantuantu hna le mizapi nih ka ngaithiam hram u. Keimah cu mizapi rian a tuan mi ka si bantuk in mizapi lei ah ka dir peng,” tiah The Hakha Times ah a chim. Myanmar Economic Bank riantuantu hna cu zung a kai mi cheukhat an um i, a kai lo mi zong an um, tiah kan theih.

Credit: The Hakha Times

Be the first to comment

Leave a Reply

Your email address will not be published.


*