Lawmh Nak Bia Chim Lo Cu Lam Dang A Um Ti Lo.

Kan ram umtu ning zohtikah nikhat hnu nikhat in boruak a linsa chinchin ko vang. Hi nih a langhter mi cu teinak a nai cang tinak asi.Ralhrang hruaitu pa Min Aung Hlaing nupi zawng nih a lungre theituk cang i, mipi sinah a duh lotuk mi nawlpatnak bia a chim ve cang tikah,mipi caah cun lunglawmh lo awk ttha lo mi thil asi.

Hi lio ah China zawng nih ramdangin gas alak mi cu,kawlram lai fang in a kal tikah,mipi nih mei in khangh piak dingin an tterh khawn tikah a lungre theituk ve cang.zei ti awk a thei ti lo i, UN ah Kawl ram cozah cu,mipi duhnak in kal kho sehlaw ka duh piak hna tiin a chim ve cang,

Cu bantuk cun Russia zawng nih kawlram buainak kongah kawlram cu mipi duhnak in kal kho sehlaw ttha lai tiin a chim ve cang tikah cun, kawlram ralkap hna cu, an caah ruah chanhnak a um ti lo. Veto Power a ngei mi ram pahnih hna nih ,an bia an zuh tthan tikah cun ralkap cawlcanghnak cu a um tilo tluk asi ko cang.

Thla khat chung ah UN Security council 2 an thu hmanh i, “concern” in, “Condemn” tiah an phan cang. “Condemn” hnu ahcun, Resolution lawng a tang ti khawh a si. US nih Myanmar Ralkap cu Rohingya Genocide case in sualphawt a timh tthan hna ti si fawn.

A tu lio Kawlram Central Bank ah Phaisa a um set tilo tisi cang fawn, pah. CDM movement a thawng chin chin. Ram chung chawlehnak a rawk thluahmah. RALKAP nih cawl chia in an cawl nain Generation pawl an ideas a tha chin lengmang.sihmanhsehlaw Kawlram economic a rawk dih cang lai.

Mipi zawng nih faktuk in tuar hmanh u sihlaw, Ralkap kan hrawh khawh bak ahcun, Kum khat chung ah kan ram cu kan remh khawh colh viar ko lai. Cucaah, chikhat rawl ttam tuar in, zungzal zalawnnak kha ithim ko hna usih.Hi a cunglei bia fang (3) hna Min Aung Hlaing nupi Nih Mipi sinah nawlpatnak bia a chim mi,cun China le Russia nih kawlram mipi leiah an ttan cang caah hin mipi nih cun lawmhnak bia chim lo cu lamdang kan ngei ti lo.

Credit Zasang Cinzah

Be the first to comment

Leave a Reply

Your email address will not be published.


*