Lok Lung Khua Mi Hna Cu,An Khua Ah Ralkap An Luh Caah An Dih Lak In Ram Tang Ah An Tli Dih.

Breaking News: Loklung Khuami Ramlak ah an Zaam Dih timi thawng kan theih cu a poi ko. Ralkap tha lo uico pawl tih lengmang i um hi zeitluk in dah a har hnga. Hriamnam an neih caah te khin ava si ko. Hi ti hin langhter a si. Loklung Pastor zong nih hi kong hi,hi ti hin a chim ve.

Loklung Khuami Ramlak ah an Zaam Dih Hna: Nihin zinglei ah Hakha peng, Loklung khua ah SAC ralhrang pawl an rak phak caah Loklung khuami an zapi in ramlak ah an zaam dih hna, tiah thawng kan theih. Khuachung ah ngandamlo chungkhar pahnih lawng an taang i SAC ralhrang nih inn pakhat zong an khangh tiah pastor pakhat nih a chimh.

Loklung pastor pakhat nih, “Atu hi ramlak ah kan zaam dih hna. Khua ah cun a zaam kho lomi midamlo chungkhar pahnih lawng an taang. SAC ralhrang nih inn pakhat le motorcycle pakhat zong an khangh. Inn pakhat an bauh i innchung ah rawl an i chuan,” tiah The Chin Journal ah a a chim.

Nihin May 19 chuak SAC thawngzamhnak Myanmar Alin nih, “May 17 ah hriamtlai bu pakhat nih Lai meithal pawl in Hakha palik checkpoint an rak kah i Loklung khua lei ah an zaam hna,” tiah a ttial. Loklung hi Hakha he meng 12 a hlatnak ah a ummi a si i, milu 1,000 hrawng an umnak khua a si.

Source: The Chin Journal, May 19, Hakha.

Be the first to comment

Leave a Reply

Your email address will not be published.


*