Lomh Um Tuk, KNLA le KA I Bawm In Ralhrang Ceilak An Thah Than Hna

Kayah (Kareni) ramkulh, Dimawso Peng Chung, (Thui Lui Bila) timi khua le (Ngwe Taung Khua thar ) kar lak ah 26-October-2021 zanlei suimilam 4:00 pm ahkhan SAC raalhrang Min Aung Hlaing group hna le KNLA, KA raalkap hna kar lak ah ikahdohnaak faak tak tak a chuak.

KNLA le KA hna nih raalhrang minung(10) an thah hna lengah an Mawtaw (2) an khangh piak hna. Kaphnih kar ikahdohnaak hi suimilam pahnih chung hrawng a chuak.

Min Aung Hlaing raalhrang group pawl hi Dimawso Peng le Pharasu Peng Chung ah an rak luh ruangah KNLA le KA nih an kah hna naak hi a si.

Raalhrang buu nih uknaak an laak in tuchun nitiang KNLA le KA hna nih raalhrang pawl hi tam ngai te an thah cang hna. Mah hi kong he pehtlai in KNDF nih tuni zanlei Kan I kahnaak ahhin Min Aung Hlaing ralhrang buu lei in minung(10) naak tlawm lo an thi.

An Mawtaw zong pahnih cu mei in Kan khangh piak hna , kan mah KNLA le KA lei in cun hliam tuar le thi Kan um lo tiah cathanh an chuah. Min Aung Hlaing raalhrang group pawl hi Dimawso, Te Taung le Che Yar Taw ti mi lei ah umhmun an khuar.

Khuami hna umnaak leiah lam hlaat bomb kahnaak in an kah thluahmah hna, cun tuni an i kahnaak Dimawso Khua Cung zawn in raalhrang vanlawng ai chawk len tiah KNDF thawngthanh tu nih cun a chim. crd: 3 sisters

Kayah State chung ah a um mi Demoso Township chung ah raldohnak faak ngai aa thok tthan tiah PDF Channel nih a langhter cang. Demoso Township chung, Khuate cheukhat pawl hna cu SAC ralhrang phu nih inn an khangh, mipi an tlaih hna thilri an fir dih i an sathil an thah piak hna. Hramhram in SAC ralhrang phu nih khuami faahnak an pek hna hnu in PDF, KNDF hna nih an hun kah cang hna hi asi.

SAC ralhrang phu pawl an sual tuk cang ruang ah KNDF, PDF hna nih nihin zaanlei suimilam 5:30PM hrawng in an kah thok ve hna hi asi. Raldohnak hi a faak ngai ngai cang tiah News Light in Karenni timi nih an tarlangh.

Demoso hi kan hnu lei ah faaktuk in raldohnak a rak chuah nak a si. Mipi rungvengtu phu a simi PDF le KNDF ti in SAC ralhang cu meithal thonghrolh sawhsawh in an rak doh hna i SAC ralhrang lei cu Vanlawng tiang an rak hman lawng si loin ralhrang thazaang tam taktak in an rak doh hna. A si nain cu lio zong ahcun SAC ralhrang lei tampi an rak thih pin ah an ruak hmanh tha tein an i fimtawl kho manh lo ti asi.

Nihin lila ah faak ngai in SAC ralhrang nih an hun naam hna, Ralkap motor tam taktak pin ah Civil motor tampi an hman, cun Vanlawng thawngpang zong theih a si cang tiah tunai ah khan Update an tuah tthan mi zong hmuh khawh a si.

An langhter ning ahcun nihin in aa thok than mi Demoso raldhonak hi a sawhsawh a si lo ti phun a si ko cang, cu caah faak pi in thlacam bawm hna usih.V.O.M

Be the first to comment

Leave a Reply

Your email address will not be published.


*