Lt.Gen Zaw Min Tun Nih Thongpang A Chim Mi Hi,,Captain Aye Tthazin Myint Nih Lih Long Tein A Chim Mi A Si.

Kum 30 hrawng a si mi Bogyi Aye Thazin Myint cu Pyi Myanmar Journal le Skynet up to date ah kum 4 hrawng thawnglatu (Reporter) rian a tuan mi a si. Botataung Journalism Major (National Management Degree College) 1st Batch in sianginn a dih mi a si.

2015 kum in training a kai i Bogyi a hmu.“A konglam ka hngalh. Rian aa zuam mi a si. Atu bantuk ralkap thawng diklo in thanhtu chungtel a si hi a ca ah hell tlak tluk a si lai. Ka thin zong a ka hunter i a ui zong ka ui ngaingai,” tiah a riantuan hawi pakhat nih a chim.

A sianginn kai hawi nih a dirhmun an cohlan lonak le tholung tluk an ruahnak zong cathanh an chuah i Journalism. degree a lak mi zong chuh than ding in kan i zuam lai, tiah cathanh an chuah.

Captain Aye Thazin Myint (April 29 Ralkap Thawngfianhnak tuahtu) kong ah a sianginn kai hawi Journalists hna nih cathanh chuah. Amah hi Botataung Journalism Major (National Management Degree College) 1st Batch in sianginn a dih hnu ah Media tampi ah Reporter rian a tuan bal mi a si. 2015 kum ah Nu Ralbawi training a kai i thiamhlei laksawng zong a hmu bal.

Nihin ahcun Ralkap Chimphuannak Nawlngeitu Zaw Min Tun hnuzul in lih le hrokhrol thawngthanhnak phu ah chungtel a hung si. A sianginn kai hawi nih zeitihmanh in kan cohlang kho lo i tholung tlukceo ah kan ruah/hmuh. Cucaah, BA (Journalism) degree a hmuh mi zong ningcang loin a hman khawh nakhngalo chuh than ding in kan i zuam lai, tiah cathanh an chuah cang.

Credit: The Hakha Times

Be the first to comment

Leave a Reply

Your email address will not be published.