Lungfah Celh Si Lo Chinram Chung Ah Afa Thlakhat Te Lawng Asi Rihmi I Anu Cu Ralhrang Pa 3 Nih Apal Sal Hmai Bakah An Tlaih Hrem

 Tedim peng I Aklui khua ah Nu pakhat afa thlakhat asi lio mi ralhrang pa 3 nih November 11 ah khan apasal hmai ah voi tam ngai an tlaih hrem tiah tlaihhrem atong mi chung khat sin in thawng theih asi. Aklui khua hi Kalay myo in Tedim lei kalnak motor lampi cung ah aum mi asi I October 30 in November 14 tiang ralhrang hna nih sakhan caah an hman. Hi ti thil acan hi November 11 zan sml. 11hrawng ah asi.

Ralhrang minung 3 hi Inn chung ah an lut I thawl le thlalang vialte an khuai dih i, In ngeitu pa alu an khuai. Uico ralhrang 2 nih hin apasal hi coka ah meithal hi an tlerh I cu lio ah anu pi hi, ihkhan chungah voi khat atlaih hrem, cu zan thiamthiam zan 11 le cheu hrawng ah an rathan I inn leng in uico pa pakhat nih acawngh I achung ah pahnih nih a voi 2nak an tlaih hrem than.Cun voi 3 nak le voi 4 nak zong an rathan I inn chung i phone pakhat, Powerbank, phone tunnak hri, tangka 18000 le sui tumbul  an fir piak rih hna. Tlaihhrem atong mi nu I ahawi nih achim nak ah cun, hi hna nupa hi kawl holh an chim kho lo, cun Inn chung ah hin an mah nu pa le anfa te thlakhat te lawng an um hna cu ruang ah cun an nek khun hna hi asi. Uico pa pakhat nih An pa hi namte apek I rak ka sawh, na kasawh lo ahcun kan tuk lai tiah ahro, cun meithal apek i ka kap tiah ati than rih.

Hi Inn chung ah avoi 4 nak an va luh than hi zing lei sml. 4 asi cang, cun athaizing ah Uico pawl lak I an bawi pa nih hin thilri an fir mi cu apek than dih hna, cun anpa alu akuai mi zong sii ava thuh piak I thilri an fir piak mi hna ruangah ngaithiam ahal hna. Uico pa pakhat nih hi thil atuah tu cu keimah lawng ka si ko tiah ati hna. Tlawmpal khi an tlaih in an thlah than cu hnu ah cun cu ka khua cun an chuak.Tlaihhrem atong mi nu te hi Kum 27 asi i fapa 3 angei mi asi afa upa bik hi kum 5 asi, atlaihhrem tu hna hi an liang ah 22(kawlca) number an I khenh dih tiah ati. Khuaimi pakhat nih achim nak ah cun hi zan ah hin ralhrang nih Inn 5 hrawng ah an lut Phone le, tumbul le tangka pawl an chuh hna, Inn khat le bang ah chun nau pawi lio mi an nu kha ahnu lei ah akut an leh I ahmai ka ah an pakha fung in an tuk, cun ahnarthi chuak lak in an velh tiah achim.

Cun hi Uico pawl cu Nov13 ah khan kalay lei ah ke in an kal. Ralhrang pawl an kal hnu hin Aklui Khua ah hin aho hmanh an um ngam ti lo i khuam pawngkam I an chung khat cio hna sin ah an zam cio hna, atu tiang hi khua ahlam mi an um rih loh tiah theih asi. Source; Zalen

 

Be the first to comment

Leave a Reply

Your email address will not be published.