Lungfahnak; AA nih kan Chinland Paletwah i kan Chin Miphun cung i an i lar/lek tuk i phu kan hlam than a herh ve cang

AA nih uknak lei in training pek ding ah a kal pi mi hna Paletwah khuami pa 5 an rak zam
===============

Chinram, Paletwah peng chung ah a luancia mi thla 2 ah khan AA(Aarakan Army) nih uknak lei pehtlai in trainning pek ding ah a kal pi mi hna PiChawng(ပီချောင်) khuami pa 5 cu an rak zam i AA lei nih tlerhnak bia hna a chim tiah khuami pa 1 sinin thong kan theih. “khuami pa 1 nih ‘AA nih training pek ding ah a kal pi mi, khuami pa 5 cu an rak zam i a tu AA lei nih tlerhnak hna a tuah ca’h an zam” tiah a chim.

Paletwah peng Pichawng khua bu lei ah a um mi khuami hna cu ULA(United League of Arakan) in kan ser lai tiah Rakhine hriamtlai phu AA nih khua 1 ah minung pa 3 in hramhram in a kal pi hna.

AA nih khuate lei a um mi khuami hna cu hramhram in a kal pi hna i training a pek cu theih a si i, training an dih tikah khuate lei ah hruaitu kan tuan ter hna lai” tiah bia an chim tiah khuami hna sin in kan theih.

Palehwah peng Nitlak lei Bangladesh ramri ah a um mi Pichawng khau bu(ပီချောင်းကျေးရွာအုပ်စု) ah khaute fonh dih in 30 reng lo a um tiah theih a si. 2019 kum thawk ka in Rakhine hraimtlai phu AA cu Paletwah peng Nitlak lei PiChawng lei ah um hmun a khor/ser tiah theih a si.
Crd. Chin World

Be the first to comment

Leave a Reply

Your email address will not be published.


*