Update Tazacuai lio mi 4320 le thongthlak mi 1316 an thlah hna lai,
October 18| Nawlngeihnak lak mi duhlo in lam a zawh mi hna tlaih i tazacuai lio mi 4320 le biaceih in thongthlak mi 1316 cu thlah ding in Min Aung Hlaing nih a chim i cathanh zong an chuah cang, tuah kan theih. 
Duhlonak langhter lio ah aa tel i tlaihkhih mi pawl tuzarh chung ah kan thlah than hna lai, tiah Min Aung Hlaing nih chim,
October 12| Nawlngeihnak lak duhlo in lamzawh (sandah piah) ah aa tel i tlaihkhih mi hna cu tuzarh chung ah kan thlah than hna lai, tiah Min Aung Hlaing nih a chim. 
Hi bia a chim hi nihin October 18, 11:30 AM ah MRTV in a chim mi a si.
“Aruang le konglam tampi he tlaihkhih in hren mi hna le an sualphun ceihpiak lio mi hna chung in thlah than awk aa tlak mi.
The Hakha Times
CNA+CNDF+CDF nih Taal ah SAC motor 9 hrawh than, a dihlak 16 hrawhpiak cang,
Nizaan October 17 lio ah CNA+CNDF+CDF nih Falam Peng Taal khua pawng ah SAC motor 9 an hrawhpiak than hna i October 14 lio ah motor 7 an rak hrawhpiak mi hna he adihlak 16 an hrawhpiak cang hna, tiah kan theih.
Hi SAC ralkap pawl hi motor 60 hrawng he Falam in Hakha lei ah a kal mi an si i CNA+CNDF+CDF nih Taal khua pawng ah an erhtonh hna i Hakha lei zong lan kholo, Falam lei zong ah kir kholo in an hren hna, tiah kan theih.
Hi Taal pawng kahdohnak ah SAC ralkap aa hliam mi le a thi mi an tam.
The Hakha Times
Bantumpaw hi mi tampi nih rawl meh lawng ah kan rak hman i a kan thawt ngai cio . a si nain sii zei zong ah a rak tha tuk
ti belte kan thei cio lem lo . kan hei theih mi cu thinphin caah a tha ti belte cu kan theihcia men ko lai . a si nain zeitluk in dah sii caah a rak that ti hi thei cang hna u sih.
Bantumpaw hi zei ti ei hmanh ah eisual a um bak lo mi a si pin ah , minung kan taksa caah zeitluk in daha rak that ti mi kan langhter lai .
Bantumpaw a ei peng mi nih a that nak an chim mi cu ;
Bantumpaw ei nak nih hin thisen niam le sang ( thi kai ) hi a control khawh taktak ti a si i , thi kai zawtnak ruang ah taksa
a rit mi le taksa fah lufah vialte hi bantumpaw ei ah cun a tlau dih tiah an chim .
Cu lawng si lo in bantumpaw ei nak nih hin , Pawpi lei zawtnak zong a dam ter i a hlei in pawpi thazang a der cang mi hi bantumpaw ei piak peng ah cun pawpi thazang a hung thawng than i rawl zong duh a si i taksa dam nak a chuah pi than ti a si.
Cu pin ah bantumpaw ei peng mi cu thisen thlum/ zun thlum zong ngeih khawh a si lo ti a si . thithlum /zunthlum a chuah ter tu virus kha bantumpaw nih hin a doh khawh i , a ngei cia mi zong bantumpaw na ei ah cun thithlum/zunthlum a san nak kha a control khawh dih ti a si fawn .
Nu thlachiar tha tein ( regular ) a period kho lo mi zong bantumpaw ei nak nih a bomhkhawh i chunglei thisen um tuning a remh dih caah a hlei in nu caah bantumpaw ei hi a tha khun tiah chim khawh a si fawn.
Kal(Kidney) a thlian hlim ter fawn i lunglei zong a that ter fawn ti a si . paw that lo ( sen ten ) ca lebang ah cun bantumpaw ei cu a tha taktak fawn.
cu lawng si lo in nu pawl chiatha a fak mi le a cak lo mi ca zong ah bantumpaw ei hi atha taktak ti a si . thi kai zawtnak a ngeimi caah a tha khun fawn.
Leave a Reply