MAH Nih Tlang Cung Mi Hna Nih A Kan Zumh Nak Ding Caah Tiin Timhtuah Nak Tha Taktak Bia Achim

September ni 27 ah Min Aung Hlaing nih a hruaimi SAC ralhrang pawl cu metting an tuah i Min Aung Hlaing nih cun bia tampi chimnak a ngei ti ah theih a si. Cu a chim mi a bia ahcun tlangcung hriamtlai pawl he i remnak tuah ding in a lem hna tiah theih a si.

Min Aung Hlaing nihcun kawlrampi hi ramkulh le ramthen in dirhmi ram a si i, ralkulh ah a um mi tlangcung mi hna caah a herh ning in an thanchonak kan tuah a herh tuk tiah a chim. Cu ti kan tuah lawngah tlangcung mi nih an kan zumh khawh lai tiah a chim.


Cu a si caah tlangcung mi he thla 5 chung kahdaihnak kan tuah lai tiah a chim chap. thla 5 chung kahdaihnak kan tuah mi chungah tlangcung mi thanchonak kan tuah piak hrimhrim hna a herh tuk tiah a chim. Fimcawnnak le chawlehnak a lam kip in kan tuah piak hna lai tiah a chim chap. A hleice in metting kai mi pawl nih an duh mi chimnak an ngei hna.

Min Aung Hlang biachim mi pawl cu umzia a ngeilo tuk i tlangcung mi pawl umnak Karen, Kachin, Chin, Kaya le Shane ramkulh ah kahdohnak le thah nawnnak a um thiamthiam ko.

Kaya mipi vengtu KNDF hruaitu pawl nih an chim mi hna cu tlawngcung mi hi viokhat men lawng an kan deh lo, an kan hlen a tamtuk cang. A kum kum in an kan hlen cang. Zei bantuk biatha an chim len zongah kan nih nih cun kan zum kho hna lo lawlaw cang tiah an chim.

Tutan ah kahdaihnak kan kal pi lai an timi cu an chim nain mipi an thah hna, an doh hna, an tlaih hna i, an cathanh mi cu pakhat hmanh an zul bello. Ralhrang nih an cathanh mi hrimhrim cu kan zum kho tilo tiah an thanh, zinglei ah daihnak kan duh an ti asinain, zaan ahcun an mi an that hna i ral an do thiamthiam ko tiah an zumh hna lonak kong cu KNDF nih an chim.

Be the first to comment

Leave a Reply

Your email address will not be published.


*