Mah Pa Nih A Nu Sin Ah A Thil Tuah Mi Hi Khuaruahhar Si A Mak Taktak

Fahnak vialte lak ah a fakbik nganfah nak tuar in thihnak thlankhur tlang par ah dir in keimah a ka hring ngam tu ka nu a tu ah cun na ka dawtnak hi na fapa nih ka theih thiam khawh ve cang . Thla (9) chung na ka pawi i na eiduh mi hmanh ei ngam lo ten na rak i sum i na duhlo tuk mi zong na pawchung i a um mi naute keimah caah na rak i hne.

Na ka hrin hnu ah hnukthlum in na ka cawm i zan mitkuh vuai lo tein na ka pomcawi zungzal . Zeithei lo in ka tah can ah ka ngam hlan lo lungsau tein a ka awi zungzaltu ka nu . Ka puitlin hnu ah na ngeih kan chiat ter can a tam lengluang nain ka cung ah a lungsau peng tu ka nu . Atu ah hin fale he hmunkhat te ah um ti na duhtuk ve ko lai mu ka nu.

Chaw le va tampi nak in fale nih nulepa upat nak thinlung le nawlngei tein ka nun ah ai lawm deuh tu ka nu . Zingzan thaithawh zanriah kong ah a thinlung chung tein lungre thei in um hmanh seh law fale mithmuh ah a mithmai a chia bal lo mi ka nu . Atu ah cun na fapa na ka dawtnak hi ka theihfian ve cang.

Na lung kan lomhter khawhlo nak vialte kha ka ngaithiam hram mu , na ngeih kan chiatter i biafak in ka rak in leh ve tawn mi kha ka ngaithiam hram ko mu ka nu . Atu ah cun na fapa na ka cawm nak ah na thisen zong an reu dih cang i na vun zong an sawng dih cang , na sam zong a par dih cang .Ka nu na ka dawtnak hi ka theihfian ve cang ko dahkaw , hmunkhat te hmanh ah um kho hlah hmanh u sih law ka thinlung ken ne tein ka nu na dawtnak hi ka pemh ve cang ko ee.

Note : Hi capar hi hmundang i a um mi Phung Kyi pa nih a nu dawtnak ai fian hnu ah zeitluk in dah nule dawtnak hi a rak sunlawi timi kha siaherh nak he midang hromh in a tial mi chung in kan rak leh ve chin mi a si . Carel tu vialte nih nulepa dawtnak kan theih i nulepa ngeihchiat tertu silo in lomhnak a pe tu ah kan can dih khawh nak hnga a thar in thazang lak nak ah hmang cio hna u sih.

Be the first to comment

Leave a Reply

Your email address will not be published.


*