MAH Projects: Naypyidaw ah Vawleitang tlawnglawng le elecric motaw hna hman ding timhlamh nak a ngei

Naypyidaw ah Vawleitang tlawnglawng le elecric motaw hna hman ding timhlamh nak a ngei
=============

Naypyidaw uknak hmun ah meikhu a chuak lo mi seh thilsernak hna in a tthangchomi zohawktlak a si mi Khualipi pa 1 a si nak a tlinh khawh nak ding caah khuachung kal tlanglawng lam le vawleitang tlanglawng kalnak lam hna sak a herh tiah ram nawlngeihnak a la tu lubik nih a chim.

August thal ni 17 ah an tuah mi Naypyidaw tthanchonak ralhrangbu meeting ah Ralbawi. Min Aung Hlaing nih cu bantuk in a chim tiah August ni 18 ah Myanmar alin tindinca ah a langhter. cu hlei ah electric ah a hrampi a si mi electric bus a kal khoh nak ding caah electric bus kal nak lam hna zong tuah hrimhrim a herh tiah a chim rih.

Mah electric motaw le khua chung tlanglawng lam hna, vawleitang tlanglawng lam hna cu Naypyidaw chung ah a hmasabik tuah a si lai i a hmanungbik ah cun ram pumpi hman khoh ding tiang in tlinter a si lai tiah ralbawi nih meeting ah a chim.

Mah vawleitang tlanglawng lam le, khua chung tlanglawng lam le electric bus seh thilsernak han cu zeitik ah dah tuah hram a thawk te lai ti a nekcok tiangin telh chih in a chim lo. Naypyidaw ah milurel 20 million (sing 200) tiang um khawh ding ah timhlamh nak kan ngei caah Green City, Clean City le Smart City khualipi pa 1 si ding ah a zei lei paoh in tlinter khawh nak ding caah ralbawi. min Aung Hlaing nih mah meeting ah cun a chimh hna.

cu hlei ah Oo. Tein Sein Acozah uk lio i a rak tuan mi satil zuatnak le thlaiti thlaihnah rian hna chung in cinthlak nak rian zong a dih rih lo mi tuah ding ah vawlei hmun zong zoh than i pehzulh ding ah meeting ah a chim.
Crd: Mizzima News

Be the first to comment

Leave a Reply

Your email address will not be published.


*