Malaysia Um Chinmi Lakah Covid-19 Zawtnak Neimi An Tam Tuk Cang Ruang Ah, Ralrin Herh Mi Hi Rak Rel Hrimhrim

Malaysia ram chungah Covid zawtnak a nei mi nikhat hnu nikhat in an karh chin lengmang. Kanmah laimi lak zong ah zawtnak a nei mi tamtuk kan um cang. Mi cheukhat cu lungrethei vansang au in ummi kan tam pi.

Covid zawtnak hi tih tuk ding zong a si lo pin ah tih lo tuk ding zong a si hlei loh..zawtnak neimi pawl cu cozah lei nih sizung ah an chiah hna. Ni zeizat tiang an um lai timi cu a fiang loh. an dam tiang um ter ding an si.

Zawtnak nei mi hi an tamtuk caah sizung um mi an i tlum ti lo ruang ah a pawngkam ah in hmete an sak piak hna. Innpi pakhat ah minung a thawng reng lo in an chiah hna i i tetkhawt ngai in mizaw zong khua an sa.

Tu bantuk i zawtnak a karh cuahmah a siah cun Lockdown a um a um ti lai loh timi chim khawh a si loh i, Lockdown um than sual lai timi hi minung tampi nih an thin phan mi a si. hmailei nunning dan (inn man, ei-in hrang tibantuk) A si khawh chung in i ralrin ding in kan in sawm hna.

Theih Herh Mi: (1). zawtnak kan kai lai loh ti mi theih khawh a si lo ruang ah, card nung mi pakhatkhat tal neih hrimhrim ding (buainak ton hnu le zawtnak ngah hnu lawng ih card tuah khawh a si lai loh timi kha kan thanh cang ko khah).

(2). Zawtnak kai bak in “FRO card nunglio mi” ai tleih mi nih cun FRO ah theihternak tuah khawh a si zungzal, a hleice in UN nei rih lo mi pawl (bomh khawh nak lam a um ah cun bomh ding in kan i manh zungzal)

(3). Riantuan nak in Covid test result i zawtnak a nei ti ai thei mi pawl nih, nan result catlap fiangtein nan phone ah hmanthla hrimhrim uh (herh nak a um kho than sizung i um hnu ah cun hal than a har tuk cang).

(4). Laimi lakah zawtnak a nei mi tamtuk kan um cang. A ho nih dah zawtnak a neih timi theihkhawh a har tuk ruang ah a si khawh chung in lengchuah le i len kan i ralrin a hau. A hlei in cgungkhar i hngakchia um nak le upa um mi hrang ah (kum upa cakvak hrang hmanh ah Covid zawtnak an chiah mi pawl i va um ve khi a har tuk.)

(5). Tulio can ah cun tleihkhih zong a tam, UN hal a duh mi le a hal cang mi nih cun, mah UN case thaten theih hrimhrim ding (Website i registration tuahtu nih registration number theih hrimhrim ding).

I Chinchiah: Ralrin ding kan thanh mi le sawmawknak pawl hi kan mah hrang ah a si, philh hrimhrim hlah uh. Cun kan chungkhat unau le hawikom zong buainak an ton hnu lawng i, card tuah piak chom mi kha pompiak a si lo ruang ah, buainak an ton hlan ah ngeihsak hna uh sih law pakhat le pakhat thawngthanh cio i zuam hna uh sih. buainak ton hnu lawng i tuamhlawm le i buaipi kha a buaithlak tuk. (Duhsaknak he FPM-FRO)

Credit : Biate Mizoram

Be the first to comment

Leave a Reply

Your email address will not be published.


*