Mandalay ramṭhen Myitnge ah March 6 zing Sml 8:00 in SAC ralkap nih khua luhnak le khua chuahnak an phih dih i mipi

Mandalay ramṭhen Myitnge ah March 6 zing Sml 8:00 in SAC ralkap nih khua luhnak le khua chuahnak an phih dih i mipi inn le dawr hna cu kan laak tiah an ti i, ni 2 chung ah i thial dih u an kan ti  tiah tualchung mi nih Yangon Khat Thit ah an chim. Myitnge ah hin sang 13 an um I. cozah rianṭuan hna nih an tlaak mi khua a si. Tlanglawng dinhnak hmun a si i, kum 60 leng an um cangnak hmun zong a si. SAC ralkap nih March 5 le 6 ah an inn le dawr hna cu an hrenhpiak dih hna, tiah theih a si.

Chungkhar 2000 hrawng le minung 80,000 cu an umnak in an ṭhialter hna i ni 3 lawng caan an onh hna. Sang chung cu SAC ralkap 400 hrawng nih an cawngh i. thilri a thiar mi lawng an luhter hna, tiah tualchung mi sin in theih a si. Aa ṭhial ding mi hna ah hin SAC ralkap siibawi le an chungkhar zong an i tel ve. Atu tan ah hin Myitnge sang 13 ning in an chuahter dih hna i Non-CDMer pawl lawng an ṭhialter hna lo. tiah tualchung mi pakhat nih Yangon Khat Thit ah a chim.

SAC ralkap nih Myitnge mipi hna cu an ṭhialter hna caah CDMer cheukhat cu umnak an ngei lo i. an rian ṭhing a tuan ṭhan mi zong an um. SAC ralkap nih inn an thialter mi hna hi sang 7 a si cang i sang dang 6 zong  thaizing lei ah an lut lai, tiah tualchung mi sin in theih a si.

Thawngpang dang relchap…Falam lei in a rak i thawhmi SAC ralhrang Tank pahnih telh in motor 25 hrawng cu nihin March 6 zaanlei ah Hakha khuachung ah an lut. February 27 in Falam in an rak i thawh i CNA, CDF le CNDF nih pehzul in an kah hna caah lampi ah zarh khat an rau.

An ratnak lampi ah Dokthek khua inn 16 an khangh ta. Chuncung khua inn tampi an bauh i thilri an fir pin ah khuami pu Rung Hu (48) zong meithal ankah nak tak cungah um mi kuanfang hi pa 3 hmuh chihLamthluan thluang kahdohnak ah CNA ralkap 3 le CNDF ralkap pakhat nih an nunnak an pek. SAC ralhrang lei zong in a thimi an tam ngaingai lai, tiah an zumh.

Be the first to comment

Leave a Reply

Your email address will not be published.