March 29 Ah Russia-Ukraine, Cu Tonnak An Nei Hi An I Tonnak Ah An Chim Mi Na Theih Duh Ko Ah Cun, Rak Rel Law Fiang Tein Na Theih Ko Lai.

Russia le Ukraine daihnak a um khawh nakhnga tonbiaruahnak cu Turkey ram Istanbul khuapi an tuah ṭhan a si i tutan tonbiaruah ah hin cun a ṭhalei an panh ṭheo lai ti an zumh caah Europe ah cun Oil man zong a ṭum, tiah theih a si.

Nihin March 29 tonbiaruahnak ngeih ding ah hin March 27 ah khan Russia President Putin le Turkey President Ardogan nih ceihkhan chungnak an ngeih hnu ah kaphnih lungtling in tuah si i, tutan Ukraine le Russia daihnak kong biaruahnak ah.

Turkey President nih biatawi chimnak zong a ngei. Russia le Ukraine palai pawl i tonnak hi February 28 ah khan a voikhatnak bik ah rak tuah a si i, atutan hi a voi 4nak tonnak an ngeih a si.

Biatawi

United Nation Security Council UNSC  nih cun Afghanistan ram ah Taliban nih nu sianginn kai an sianh lo cu a poi tuk an tinak an langhter ṭhan i, nu hna nih Sianginn an kai khawh ve nak ding ah Taliban cozah sin ah nawlnak a tuah.

March 27 i cathanh an chuah mi ah cun, UN Security Council member a si mi Afghanistan rammi aho poh, nu le ngakchia zong nih ca cawn khawnak nawl an ngei, tiah a thanh.

Taliban hna nih cun high school cawnglio nu siangngakchia hna cu sianginn kai pehzulh an sianh hna nain, sianginn on ni ah kirter an si. Taliban nih cun nu sianginn kai sianhnak nawl an rak ser cang mi cu let ṭhan in, an kirter hna lio ah.

Afghan nu siangngakchia tampi cu mitthli he inn ah an rak kir. Taliban nih cun an phunghram cu zoh ṭhan a hauh kong an chim i, thawngthanhnak thar an tuah rih hlan cu nu sianginn kai an sianh rih lo kong an thanh.

Taliban pawl nih nu sianginn kai sianhlonak thawng an thanh in US zong nih Qatar khuapi Doha i Taliban palai hna he tonbiaruahnak an ngeih ding mi cu an ṭhulh ve.

Hi biaruahnak ah hin Afghanistan ramchung chawlehnak Economy kong zong ceihhmai timh a si, tiah theih a si.