Maw Ka Thin Dam Lo Pa Nih A Mah A Zohtu Sibawi Pa Meithal In A Kah I A Thi

Thailand ram i a dam lo mi pakhat nih amah a zohkhenh tu sibawi pa cu thi lak in a kah, Cuti thi lak i a kah nak a ruang bik cu sii man tamtuk a ka lak ruang ah a si tiah a ti. Kum 22 mi Denphum “Phum” Sangthong cu a dam lo deuh asi ah cun Phra Chom Klao Hospital ah ai piah tawn mi a si.

Siizung i an riantuan ning le sibawi pa Chumphon Dechamphai (kum 58) minung cu a rem lo tuk ko nain, a vai piah lengmang thotho ti a si. kan hn zarh ah khan a dam lo i, Phra Chom Klao Hospital ah appointment lak a vai tim nain, an riantuan pawl an i manh lo tuk ruang ah a la manh loh.

Cutikah, sibawi pa a umnak ah a va kal i a dam lo nak kong cu a va chimh. Cuti cun sii ei ding pawl a pek hnu ah sibawi pa a ton khawh man ah 130 baht zat an hal i a tam tuk a ti ruang ah a thinhang i sibawipa cu a kah. Vawi 7 bak a kah i a nolh chih ruang ah a thi. vantlang siizung ahcun sibawi ton man ah 30 hi a si an ti.

Sibawi a kah ruangah palik pawl nih an tleih. Sibawi a kah lio ah siivai ṭha lo a rit pah a si an ti. Denphum in a hlan zong ah siivai man ah 1,000 baht zat a dih cang nak kong cu palik sin ah a chim. Sibawi a kah ruang ah an khuachung mipi pawl an thinhang tuk i, minung 300 hrawng cu hmunkhat ah biaceih ti nak an nei hna i tualthat tu hi thidan pek ding a ai tiah duh lo nak an au pi.

Palik pawl nih an rak tuahmawh sual lai ti an phan ruang ah tualthattu cu bike lukhuh le bulletproof angki an hruk ter i an sakhan lei ah an hruai. A phu tawk in hremnak an pek lai(The Thaiger) Credit : Biate Mizoram

Be the first to comment

Leave a Reply

Your email address will not be published.


*