Maw Ka Thin Poi Tuk E : Min Aung Hlaing Nawl Pek Nak In,Ralhrang Hna Nih KNU Sakhan Vanlawng In An Phomh Tthan Cang.

Zan ah Ralkap nih Vanlong In KNU sakhan an va Luhhnawh hna I ,vanlawng in an va kah hna.Karen National Union KNU nih march 27 ni ah ralkap sakhan pakhat an lak i ralkap 60 an thah hna. Minung 14 an tleih hnu hna lengah ralthuam vialte an lakpiak mi hna cu, Ralkap lei an thinhang tuk ve i, an lakpiak hnu tlawmpal zan bakah Vanlawng in Kawl Ralhrang hna nih KNU hna cu,an phomh ve cang hna tiah theih asi.

Hi thil hi ruah riangmang ah cun,March 27 , zan nazi 8 hrawngah ralkap nih cun vanlong in KNU sakhan hmun pakhat cu a va kah thluahmah hna i zinglei nazi 2am tiang an va kah hna. Curuang ah cun inn pakhat a kang dih i mipi lei in mithi zong an um len tiah KNU lei nih thawngthanh nak an tuah. Ralkap nih vanlong bak in an sakhan a kap timi cu KNU lei nih cun, mipi theih bak in an puan ve cang.

Hi baantukin Ralkap nih vanlong in an kah hna ruangah,KNU sakhan pawng i a um mi,mipi hna cu,an sahim nak ding in ka dang leiah an tli mi zawng an tam ngaingai tiah an chim.Van lawng in mah le ram mi kah hi,UN phunghram bual asi caan JCJ.CCJ i taza cuainak cu a fak chin chin ko cang lai tinak asi cang.

Min Aung Hlaing hi zahzawng a thei tilo i,dawh cah lotuk in a nung ko cang.Vawlei cung ram ngan ngan nih an chimh len zawngah zeiah a rel lo i, ka tuah lai a ti mi cu,a tuah thluahmah ko cang.sihmanhsehlaw, a dawngh nak ah cun,a tuah mi le a bia nih,a nun nak cu a lak teko lai .

Credit : Vapual Auaw

Be the first to comment

Leave a Reply

Your email address will not be published.


*