Maw Khi Sakhan Ahcun SAC Ralhrang Ralkap 28 Um Nak Sakhan Cu KNLA DKBA Hna Fonh In An Kah Hna I SAC Ralkap Cu Athimi An Tam Ngai.

Maw Khi Hrambunh Battalion Le Cuka Battalion Humhimnak Latu Ke rang Ralkap  phu hnih cu March 21 zinglei sang thawkin KNLA-201 Battalion le kan hnu naite ah khan KNLA sinah a rak fonhtu DKBA ralbawi Bo Saw Naw Bo hna i fonh in an kahdoh.

March 21 zanlei sml 5:00 hrawngah sakhan cu an laak khawh cang tiah KNLA Battalion-hmu, cuka Battalion bawibik changtu Bohmugyi Saw Bo Phaw nih a chim.

Maw Khi sakhan cu kan minung hna nih zinglei caan in an kahdoh i, zanlei sml 5:00 ahcun cuka sakhan an laak. Atu cu sakhan thenh cuahmah lio a si. Asinain Ka Nay Lyi leikap  in an kan kah cuahmah ko. Vawi 10-20 tluk cu an kan kah cang tiah Bohmugyi Saw Bo Phaw nih KIC ah a chim.

Maw Khi sakhan ahcun SAC ralhrang ralkap 28 an um hna i, atu tiang ahcun hriamnam chuhsakmi zat le a thimi zat hi theihfian a si rih lo. KNLA fonhmi phu leikap ahcun a hliammi zong an um lo tiah KNLA-201 Battalion-hmu nih a chim.

Cu bantukin March 13 zongah khan ke rang ralkap  le ke ralkap sakhan-hmu, raldohnak ah hohatu 2 telh in anmah pawl humhimnak laakpiaktu 2 hna zong KNLA 201 Battalion fonhmi phu nih an talih bal cang.Crd:Deltanewsagency

Liu Muhai le a nupi nih fapa 3 an neih hna, a nupi nih a thihtak hnu ah cun khuadang dang ah riantuan in ai chawklet tawn i khua a sa. A fale pathum cu a pilepu sin ah a tantak hna i chawva a hmuh mi cu a kuat tawn hna. Taima taktak in rian a tuan hnu ah cun a hlawhtling tuk cang i milian le mirum taktak ah ai chuah cang sinan a fale le nih cun a konglam zeihmanh an thei kho loh. A fale pawl cu nupi an nei dih cang i inndang ah khua an sa cio hna.

Liu Muhai zong kum 70 a tling cang i a can hmahnung bik a si cang ti ai. theih ruangah cun an khua ah ava tlung than. Asinan, a fale pawng ah a um bal ti lo ruang ah cun a fapa pawl i an thinlung put theih a duh ruangah an khua a lut hlante ah a hnipuan pawl vialte cu ai. thleng dih chiahru taktak in ai tuah i kut a dok. mi putar bantuk in ai um ter.

An khua lenng i a um mi .inn pakhat sin ah a fale pawl i an inn umnak pawl cu a hal dih ta cutin a fapa upa bik tei inn ah ava kal i an innka cu a va kingh. A fapa upabik nih cun innka a va onh i Ka fapa, na pa ka rak tlung cang a ti. A fapa cun a lu in a kedil tiang a zoh dih hnu ah cun Hey, kutdawk putar. Zeiruang ah dah kapa bantuk in lem ah na rak i can ter ngam, na ningzak lo maw si. Ka pa cu khuapi ah aum i milian taktak ah ai chuah cang tiin a thawl.

A fapa pahnihnak inn ah ava kal than i an innka cu a va kingh than. A fapa nih cun innka cu a van onh i, Ka fapa, na pa ka rak tlung cang a ti cu khuaruah har tukin a zoh peng ta saupi a zoh hnu ah cun kan thei.loh a ran nak in chuak tiin a nam. A pa nih cun Ṭhaten rak ka zoh law na pa ka si hih. Ka sumdawn nak ka sung dih i curuang ah cun a tu bantuk dirhmun ah ka phanh nnak a si a ti. A fapa nih cun Na sumdawngnak a chiat ruangah zeiruang ah dah na rak tlun Hmun dangah kal tiin innka cu fakpi in a hrenh kanh.

Hringtu a pa cu a ngeih a chia tuk i a kal i a kalpah ah a tap pah thluahmah mitthli he a fapa le pa 2 i an thinlung put cu a theihfian cang. A fapa hngakchia bik inn ah a va kal than i Ka fapa, na pa ka rak tlung a ti cu a fapa in a zoh peng hnu ah mitthli he a pom. Ka pa, zeidah na cang Inn chungah rak lut aw a ti, a nupi sin ah tikik rak chuang law kapa hi a tak kholh a duh lai a rawl zonng a tam lai i. bazar ah meh ka va caw lai tiah a chuak colh.

A pa cu tihlum in tak arak kholh , a fapa nih cun ngasa le sa dangdang a cawk hnuah inn ah ava tin i rawl thaw taktak in a chuan piak. Hringtu a pa cu a lungawi tuk i, Ka fapa, ka sumdawngnak ka tla chia i zeihmanh ka nei ti loh. Cuti bu in na ka cohlang ko ti?” tiin a hal. A fapa nih Ka pa, ka hmet tein a ka cawmtu na si. Na tar hnuah an cawmtu ding ka si, zei hmanh na lungre thei hlah mu, Tu thok in cun kan sin ah na um peng cang lai lai e tiah a ti.

A mo zonng nih Ka tang, hnangamten um aw. Chawva nan rak kan kuat lengmang mi thawng in sipuaizi zong kan tuah kho ve cang. Kan in zohkheh ve ding can a phan cang e arak ti ve. Putar cu a lung ai lomh tuk ruangah a mitthli a tla i a bag chung avun ong cu chawva tampi arak um, Ka rak khawl zungzal mi phaisa pawl a si, US $136,084.00 (880,000 Yuan) renglo a si. Nan kut ah kan hlanh hna, kei cu ka ni tlak lei ka panh thluahmah cang ruangah ka hrangah sullam a nei ti loh e tiah a ti.

A fapa nih Ka pa, nan rak kan cawm lengmang cang ruangah hi chawva hi kan herh ti loh ka upa canng i rian zonng ka tuan kho ve cangmi Ka u pahnih sin ah va pe than ko hna arak ti. Asinan, a pa nih cun a ule pahnih i thinlung put a theih cang ruangah a pe duh loh, zeizonng vialte fiangten a chimh dih hnu ah cun a fapa hniang bik sin ah cun a pek i a fapa zong nih a donngh nak ahcun a cohlan piak. A fapa 2 nih a pa. konnglam an theih bak cun ngeihthiam an va hal than. nain a pa nih cun a rak ngaithiam ti hna loh i chawva zonng zeihmanh a pe duh hna loh. China tuanbia pakhat a si, Good Times i an tarlangh mi a si